Dünya

Danimarkada terror aktı hazırlamaqda ittiham edilən şəxs Norveçdə saxlanıb

12 Aprel 2021 21:45
Baxış: 311

Danimarkada terror aktı hazırlamaqda ittiham edilən şəxs Norveçdə saxlanıb.

Milli.Az AZƏRTAC-a istinadən bildirir ki, saxlanmış 24 yaşlı kişi terror aktlarının planlaşdırılmasında iştirak etməkdə ittiham olunur.

Norveç ictimai telekanalının (NRK) məlumatına görə, planlaşdırılan terror hücumlarının hədəfi Danimarkanın bir və ya bir neçə şəhəri, həmçinin Britaniya paytaxtı olmalı idı.

Əldə edilmiş məlumata görə, həmin şəxs asayiş keşikçiləri tərəfindən saxlanılandan əvvəl hücumun planlarını kimliyi hələlik məlum olmayan başqa bir adamla "çat" vasitəsilə müzakirə edirmiş.

Saxlanılan şəxs üç terror aktının hazırlanmasında və həyata keçirilməsində iştirak cəhdlərində, həmçinin "İslam dövləti" terror qruplaşması ilə əlaqə saxlamaqda ittiham edilir. Polis həmin şəxsin "İslam dövləti" terror qruplaşması tərəfindən yaradılmış materialların təbliğində və yayılmasında iştirak etməsindən də şübhələnir.

Polisin məlumatına görə, saxlanılan şəxs onun barəsində təqdim edilmiş ittihamlar üzrə təqsirkar hesab ediləcəyi halda o, 21 il həbs cəzasına məhkum edilə bilər.

Milli.Az

XƏBƏR LENTİ

Copyright © 2019 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.