Dünya

Venesuelada Kubanın "Abdala" vaksini istehsal olunacaq

12 Aprel 2021 20:40
Baxış: 1 145
VTB-də minimal faiz dərəcəsi ilə nağd kredit 9.9%-dən
#DÜNYADA #VENESUELA #KORONAVİRUS

Venesuela Havana hökumətinin əməkdaşlığı ilə Kubanın COVID-19 əleyhinə "Abdala" vaksinini istehsal edəcək.

Milli.Az AZƏRTAC-a istinadən bildirir ki, Karakasda dövlət laboratoriyasında istehsal olunan vaksin hələ kliniki sınaqların ikinci mərhələsindədir.

Ölkənin vitse-prezidenti Delsi Rodrigesin sözlərinə görə, bu həftə Venesuela təqribən 11 milyon doza vaksin almaq üçün COVAX mexanizmindən yararlana bilib. Bu da ölkə əhalisinin peyvəndlənməsi üçün zəruri olan vaksinin 20 faizini təşkil edir. Rusiyanın "Sputnik V" və Çinin "Sinopharm" vaksinlərinin tədarükü barədə razılaşmalar qüvvədə qalır.

Venesuelada koronavirus pandemiyasının ikinci dalğası səhiyyə sisteminin iflasına gətirib çıxarıb. Rəsmi məlumatlara əsasən, ölkədə 175 min nəfər COVID-19-a yoluxub, təxminən 1800 nəfər bu xəstəliyin qurbanına çevrilib. Praktik olaraq bütün mənbələr rəqəmlərin azı dörd dəfə azaldılması fikrində həmrəydirlər.

Bu günədək Venesuela yalnız 750 min vaksin alıb. Bu vaksinlərlə hökumətin hərbi-siyasi qüvvələri və tibbi heyət peyvənd olunub.

"Abdala" Kuba hökumətinin istehsal etdiyi dörd vaksindən biridir. Bu yaxınlarda Ümumdünya Səhiyyə Təşkilatı "Abdala"nı COVID-19 əleyhinə vaksinin prototipi qismində qəbul edib.

Milli.Az

Milli.Az - Xəbər Portalı
Azernews Newspaper

DİGƏR XƏBƏRLƏR

XƏBƏR LENTİ

Copyright © 2026 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.