Dünya

“Orduda xaos hökm sürür” - Erməni deputat

25 Mart 2021 11:59

Baxış: 1 120

VTB-də minimal faiz dərəcəsi ilə nağd kredit 10.49%-dən

Ermənistan Milli Məclisinin deputatı Qevork Qorqisyan orduda total xaos hökm sürdüyünü bildirib.

Milli.Az "Qafqazinfo"ya istinadən xəbər verir ki, o bu barədə parlamentdə suallar və cavablar sessiyasında müdafiə nazirinə müraciət edərkən bildirib.

"Cəbhə xəttimiz lazımi səviyyədə təchiz olunmayıb, vəzifə şərtləri yersizdir. Hərbçiləri A nöqtəsindən B nöqtəsinə apara bilməzsiniz. Hərbi döyüş vəzifəsindən, döyüş mövqelərindən canlı yayıma çıxırlar. Çovğun zamanı itkin düşürlər. İnsanlara maaş verilmir. Bu xaos nə qədər davam edəcək, cənab nazir? Nə ilə məşğulsunuz ki, ordudakı vəziyyət belədir?",-deyə Qorqisyan qeyd edib.

Deputatın suallarına heç kim cavab verməyib. Ona müraciətini yazılı şəkildə təqdim etməsi tövsiyə olunub.

Milli.Az