Dünya

Avropadan etiraf: "Vaksinasiya strategiyasında səhvlərə yol verilib"

14 Mart 2021 11:33

Baxış: 13 860

#AVROPA #KORONAVİRUS

Avropa İttifaqının (Aİ) koronavirusa qarşı vaksinasiya strategiyası çərçivəsində peyvəndlərin sifarişi məsələsində səhvlərə yol verilib.

Milli.Az Trend-ə istinadən bildirir ki, bunu "Tagesspiegel AM Sonntag" qəzetinə müsahibəsi zamanı Avropa Komissiyası rəhbərinin müavini Frans Timmermans deyib.

F.Timmermans bildirib: "Doğrudur ki, həm Brüssel, həm də üzv dövlətlər tərəfindən peyvəndlərin sifarişində səhvlərə yol verilib. Lakin tələsmək lazım deyil. Pandemiya bitəndən sonra nəyin səhv və nəyin düzgün edildiyini görə biləcəyik".

Onun sözlərinə görə, peyvəndlərin birgə sifarişi doğru addım idi, lakin bu razılaşma daha çox Almaniya kimi zəngin ölkələrin maraqlarına cavab verirdi.

Qeyd edək ki, dünən Aİ-yə üzv 5 dövlət - Avstriya, Bolqarıstan, Latviya, Sloveniya və Çexiya vaksinin üzv dövlətlər arasında ədalətli bölüşdürülməməsi problemi ilə bağlı Aİ-nin sammitinin keçirilməsini tələb ediblər. Bu dövlətlər vaksinin Aİ-yə üzv ölkələrin əhalisinin sayı nəzərə alınmaqla proporsional qaydada bölünməsinə istəyirlər. Eyni zamanda Aİ çərçivəsindəki mövcud mexanizmin bəzi dövlətlərə ayrıca vaksin almaq üçün dərman şirkətləri ilə müqavilə bağlamasına imkan verməsini tənqid edir, bu səbəbdən Aİ-yə üzv digər dövlətlərin vaksin çatışmazlığı ilə üzləşdiyini vurğulayırlar.

Milli.Az