Şou-biznes

Dilarə Əliyeva: "Yazırlar ki, arıqlayandan səsi-danışığı da dəyişib"

7 İyul 2026 13:34

Baxış: 1 811

VTB-də minimal faiz dərəcəsi ilə nağd kredit 9.9%-dən

#ŞOU-BİZNES #MƏŞHURLAR #ƏMƏKDAR ARTİST #AKTRİSA

Əməkdar artist Dilarə Əliyeva son açıqlaması ilə diqqət çəkib. Sənətçi görünüşü və səsində dəyişiklik olduğunu iddia edən izləyicilərin fikirlərinə münasibət bildirib.

Milli.Az-ın məlumatına görə, aktrisa qeyd edib ki, sosial şəbəkələrdə ona ünvanlanan şərhlərdə arıqladıqdan sonra təkcə çəkisinin deyil, səsinin, diksiyasının və danışıq tərzinin də dəyişdiyi yazılır.

O, bu fikirlərə sakit yanaşdığını vurğulayaraq bildirib ki, hər kəs hadisələrə öz baxış bucağından qiymət verir. O, əsas diqqətini işinə yönəltdiyini və bu cür rəylərin fəaliyyətinə təsir etmədiyini deyib.

Sənətçi əlavə edib ki, tamaşaçıların hər bir fikrinə hörmətlə yanaşır. Onun sözlərinə görə, kim söylədiklərindən nəticə çıxarmaq və nəsə öyrənmək istəyirsə, bu artıq hər kəsin öz seçimidir.

Dilarə Əliyevanın bu açıqlaması sosial şəbəkələrdə izləyicilər arasında müxtəlif müzakirələrə səbəb olub.

Müəllif: Tural Hüseyn (Milli.Az redaktor)