Dünya

Argentinada vaksinasiya qalmaqalı: səhiyyə naziri istefa verdi

20 Fevral 2021 09:32
Baxış: 1 442
VTB-də MİNİMAL FAİZ DƏRƏCƏSİ İLƏ NAĞD KREDİT 10.49%-dən

Argentinanın səhiyyə naziri Hines Qonzalez Qarsiya ölkədə hökumətə yaxın şəxslərin növbədənkənar peyvənd edilməsi ilə əlaqədar qalmaqalın başlamasından sonra istefa verib.

Milli.Az qafqazinfo-ya istinadən xəbər verir ki, məmur istefası barədə bəyanatın mətnini tvitterdə dərc edib.

"Sizin xahişinizə cavab olaraq mən səhiyyə naziri postundan istefa verirəm", - ölkə Prezidenti Alberto Fernandesə ünvanlanmış məktubda deyilir. Daha əvvəl "Todo Noticias" telekanalı bildirmişdi ki, ölkə başçısı nazirdən istefa verməsini xahiş edib.

Qalmaqalı şərh edən Qonzalez Qarsiya qeyd edib ki, peyvənd olunanların hamısı gedən kampaniya çərçivəsində üstünlük verilən şəxslər qrupuna daxildir. Onun fikrincə, yaranmış vəziyyət anlaşılmazlığın nəticəsidir.

Daha sonra məlum olub ki, Argentina Prezidenti səhiyyə nazirinin müavini Karla Vissottini qurumun yeni rəhbəri təyin edib.

Daha əvvəl argentinalı jurnalist Horasio Verbitski "El Destape" radiostansiyasının efirində köhnə dostu Hinesə müraciət etdikdən sonra koronavirusdan peyvənd oluna bildiyini deyib. "Clarin" qəzetinin məlumatına görə, jurnalistlə yanaşı, ictimaiyyətə bildirilmədən və əhalinin immunizasiya planı çərçivəsindən kənarda bir neçə qanunverici və məmur da peyvənd olunub.

Milli.Az

Azernews Newspaper

XƏBƏR LENTİ

Copyright © 2024 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.