Dünya

Dünyada 71,3 milyondan çox insana COVID-19 peyvəndi vurulub

27 Yanvar 2021 18:29
Baxış: 359

Tarixin ən irimiqyaslı vaksinasiya kampaniyası çərçivəsində koronavirusa qarşı bu günədək 57 ölkədə 71,3 milyondan çox şəxs peyvənd olunub.

Milli.Az Trend-ə istinadən bildirir ki, bu barədə "Bloomberg" agentliyinin araşdırmasında deyilir.

Qeyd olunur ki, sutka ərzində dünyada 3,5 milyon insana peyvənd vurulur.

Peyvəndləmə sayına ABŞ liderlik edir. Bu ölkədə bu günədək 24,4 milyon nəfər və ya əhalinin 7,45 faizi peyvəndlənib. Çində 15 milyon nəfərə, Avropa İttifaqında isə 9,7 milyon nəfərə peyvənd vurulub.

İsraildə isə 4,04 milyon nəfər peyvəndlənib ki, bu da ölkə əhalisinin 44,6 faizini təşkil edir.

Milli.Az

XƏBƏR LENTİ

Copyright © 2019 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.