Dünya

Air France fevral və martda Rusiyadan Parisə bir sıra uçuşlar həyata keçirəcək

20 Yanvar 2021 08:11
Baxış: 384

Fransanın ən nəhəng aviaşirkətlərindən olan "Air France" 1 fevral - 27 mart tarixləri arasında Moskva (Şeremetyevo hava limanı) və Sankt-Peterburqdan (Pulkovo) Parisə (Şarl de Qol) bir sıra uçuşlar həyata keçirməyi planlaşdırır.

Trend TASS-a istinadən xəbər verir ki, uçuşlar çərşənbə axşamı, cümə və bazar günləri Moskvadan, şənbə günləri Sankt-Peterburqdan həyata keçiriləcək.

Sərnişinlərin bilet sifariş etmədən əvvəl Fransaya giriş hüququna sahib olduğundan əmin olmaqlarının zəruriliyi qeyd edilir. 11 yaşdan yuxarı müsafirlərin hamısı yola düşməzdən əvvəl 72 saat ərzində keçdikləri koronavirus testinin mənfi cavabının təsdiqini göstərməlidirlər.

Hazırda Fransa ərazisinə giriş yalnız müəyyən kateqoriyalı sərnişinlərə, məsələn, Fransa vətəndaşlarına və onların ailə üzvlərinə, yaşayış icazəsi sahiblərinə və bəzi digər kateqoriyalara müvafiq sənədlərin təqdim edildiyində icazə verilir.

Milli.Az

XƏBƏR LENTİ

Copyright © 2019 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.