Dünya

Böyük Britaniyada karantin qaydalarının tətbiqinə baxmayaraq virus sürətlə yayılır

30 Dekabr 2020 20:50

Baxış: 605

#DÜNYADA #BRİTANİYA #KORONAVİRUS

Böyük Britaniyada koronavirusa yoluxmadakı artım narahatlıq doğurur.

Belə ki, sərtləşdirilmiş karantin qaydalarına baxmayaraq virus ölkədə sürətlə yayılır. Çərşənbə axşamı virusdan 414 nəfər həyatını itirib, ölənlərin sayı 71 mini ötüb.

Milli.Az AZƏRTAC-a istinadən bildirir ki, Krallıqda ümumi yoluxma sayı isə 2 milyon 329 min 730 nəfərdir.

Yoluxmanın ən çox olduğu ölkələr sırasında 6-cı yerdə olan Krallığın baş tibbi məsləhətçisi Suzan Hopkins, ölkə daxilində infeksiyanın səviyyəsinin surətlə artımının qorxu doğurduğunu söyləyib.

Qeyd edək ki, Birləşmiş Krallıqda Pfizer-Biontech tərəfindən hazırlanan peyvənd bu günə qədər yarım milyon insana tətbiq edilib.

Milli.Az

Milli.Az - Xəbər Portalı

Azernews Newspaper

DİGƏR XƏBƏRLƏR

XƏBƏR LENTİ