Dünya

Qazaxıstan Rusiyanın COVID-19-a qarşı peyvəndinin istehsalına başlayıb

21 Dekabr 2020 21:35

Baxış: 768

VTB-də minimal faiz dərəcəsi ilə nağd kredit 10.49%-dən

#DÜNYADA #RUSİYA #QAZAXISTAN #KORONAVİRUS

Qazaxıstanda bu gün Rusiyanın COVID-19-a qarşı peyvəndinin istehsalına başlanılıb. Hökumət başçısı Askar Mamin bildirib ki, Rusiyanın "Sputnik V " peyvəndinin istehsalı Qazaxıstan və Rusiya prezidentləri arasında əldə olunmuş razılaşmalar çərçivəsində həyata keçirilir.

Milli.Az AZƏRTAC-a istinadən bildirir ki, Qazaxıstanın Karaqanda şəhərində əczaçılıq kompleksinin bazasında mərhələli şəkildə 2 milyon doza peyvənd istehsalı planlaşdırılır. Əhalinin kütləvi vaksinasiyasının 2021-ci ilin fevralında başlanacağı nəzərdə tutulub.

Hökumət başçısı vaksinasiyanın ilk növbədə tibbi işçilər, müəllimlər, tələbələr, hüquq-mühafizə orqanlarının əməkdaşları, tibbi-sosial müəssisələrin əməkdaşlarının, həmçinin xroniki xəstəlikləri olan risk qruplarının nümayəndələri arasında könüllülük əsasında aparılacağını bildirib.

Milli.Az