Dünya

Cənubi Koreya cənub qonşusunu koreyalararası əlaqəni bərpa etməyə çağırır

23 Noyabr 2020 23:05
Baxış: 828
VTB-də MİNİMAL FAİZ DƏRƏCƏSİ İLƏ NAĞD KREDİT 10.49%-dən

Koreya Respublikası və KXDR arasında daimi əlaqənin bərpası Seul və Pxenyan arasında münasibətlərin yenidən qurulması prosesində başlanğıc nöqtəsi ola bilər.

Milli.Az AZƏRTAC-a istinadən bildirir ki, bu barədə Cənubi Koreyanın Birləşmə naziri Li İn Yon Seulda koreyalararası münasibətlərə həsr olunan forumda çağırış edib.

İki ölkə arasında əlaqə Şimali Koreyanın Keson şəhərində yerləşən koreyalararası rabitə ofisini partlatdığı iyun ayından etibarən kəsilib.

"Yeni ofisin açılması və əlaqənin bərpası yeni sülh müddətinin başlaması üçün siqnal ola bilər". - deyə Li İn Yon bildirib.

Ofisin partladılmasını koreyalıların sülh ümidlərini dağıdan səhv addım adlandıran nazir düşmənçiliyin yenidən gərginləşməsinə yol verməməyə çağırıb. O, həmçinin ikitərəfli əlaqənin gücləndirilməsi üçün Seulda KXDR-in, Pxenyanda isə Koreya Respublikasının nümayəndəliyinin açılmasını da təklif edib.

Xatırladaq ki, 2020-ci ilin iyununda Cənubi Koreyada fəaliyyət göstərən qeyri-hökumət təşkilatları hava şarları vasitəsi ilə Şimala 500 minə yaxın təbliğat vərəqəsi göndərmişdi. Şimali Koreya rəhbərliyi bunu koreyalararası sülh sazişini pozan düşmənçilik kimi qiymətləndirmiş və cavab olaraq Seulla bütün rabitə xətlərini bağlamış, Keson şəhərindəki ofisi partlatmışdı.

Milli.Az

Azernews Newspaper

XƏBƏR LENTİ

Copyright © 2024 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.