Dünya

Koronavirus pandemiyası səbəbindən İspaniyada xəstələr iki ay gec əməliyyat olunacaq

22 Noyabr 2020 19:44
Baxış: 719
VTB-də MİNİMAL FAİZ DƏRƏCƏSİ İLƏ NAĞD KREDİT 10.49%-dən

İspaniyada əməliyyatı gözləmə müddəti hazırda orta hesabla 170 gün təşkil edir.

Milli.Az AZƏRTAC-a istinadən bildirir ki, bu 2019-cu il ilə müqayisədə 55 gün çoxdur. Əsas səbəb kimi koronavirus pandemiyasının səhiyyə sistemində yaratdığı böhran göstərilir. Bu barədə İspaniya Səhiyyə Nazirliyinin cümə günü 2020-ci ilin birinci yarısına dair dərc etdiyi hesabatda bildirilir.

Bu gün İspaniyada 691 min 508 nəfər xəstə əməliyyat olunmaq üçün növbə gözləyir. Bu 2019-cu ilin iyun ayından 20 min 14 nəfər çoxdur. Növbədə duran xəstələrin sayına görə, birinci yerdə travmatologiya (180 min 706 nəfər), ikinci yerdə oftalmologiya (140 min 587 nəfər), üçüncü yerdə ümumi cərrahiyyə (126 min 682 nəfər) şöbələri qərarlaşıb. Növbələrin artımı bütün istiqamətlərdə müşahidə olunur.

Qeyd edək ki, hazırda ən çox növbə gözləyən xəstələr Kastiliya-La Mança, daha sonra isə, Kataloniya, Andaluziya və Araqon regionlarının payına düşür.

Milli.Az

Azernews Newspaper

XƏBƏR LENTİ

Copyright © 2024 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.