Dünya

Trampın qərargahı Viskonsin ştatının iki dairəsində səslərin yenidən sayılmasını istəyib

19 Noyabr 2020 08:33
Baxış: 471

ABŞ-ın hazırkı prezidenti Donald Trampın qərargahı Viskonsin ştatının iki dairəsində prezident seçkiləri ilə bağlı səslərin yenidən sayılmasını istəyib.

Milli.Az APA-ya istinadən xəbər verir ki, bu barədə Trampın seçki qərargahı "Twitter" səhifəsində bildirib.

"Tramp kampaniyası Viskonsinin iki dairəsində səslərin yenidən sayılması üçün müraciət edib", - məlumatda belə deyilir.

Söhbət Dayn və Miluoki dairələrindən gedir. Trampın nümayəndələri bu dairələrdə etibarsız bülletenlərin sayıldığından, bülletenlərin saxta yolla verilməsindən və digər qanun pozuntularının olmasından şübhələnirlər.

"Bu iki seçki dairəsi ən ciddi pozuntuların aşkarlandığı yerlərdir", - deyə müraciətdə qeyd olunub.

Qeyd edək ki, ABŞ-da prezident seçkiləri 3 noyabr tarixində keçirilib. İlkin məlumatlara görə, Demokratların namizədi Co Bayden seçkilərdə qələbə qazansa da, Respublikaçı Donald Tramp öz məğlubiyyətini hələ də etiraf etməyib.

Milli.Az

XƏBƏR LENTİ

Copyright © 2019 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.