Dünya

Qurbanlarına işgəncə verdikdən sonra başlarını kəsiblər - Qatil cütlüyün qorxunc cinayətləri - FOTO

20 Sentyabr 2020 12:34
Baxış: 1 690

Kirayəçilərinə, yolda qalan insanlara və öz qızlarına işgəncə verən, evlərini əxlaqsızlıq yuvasına çevirən, 15 qadını öldürən, qatil cütlük ...

Milli.Az musavat.com-a istinadən İngiltərədə yaşamış və dəhşətli cinayətlərə imza atan Rozamari və Fred Vest cütlüyü haqqında qorxunc faktları təqdim edir:

Rozamari Lets çox ağır bir uşaqlıq keçirib. Belə ki, onun atası ruhi xəstə olub. Anası isə Rozamarini dünyaya gətirəndən sonra ağır depressiya keçirib.

Erkən yaşda fahişəliyə başlayan Rozamari dəfələrlə təcavüzə məruz qalıb.

Sadomazoxizmə meylli olan Fred Vest ilə tanış olan Rozamari bir müddət sonra onunla birlikdə yaşamağa başlayıb.

Fredin keçmiş arvadından olan iki qızı və Rozamarinin öz qızı da onlarla birlikdə yaşayıblar. Cütlük evdəki uşaqlara dəhşətli işgəncələr veriblər.

1971-ci ildə cütlük Fredin ilk həyat yoldaşı Renanı və onun iki qızını öldürüb. Aldıqları yeni evi əxlaqsızlıq yuvasına çevirən cütlük, oradakı qadınlara da ağlasığmaz işgəncələr veriblər. Otaqlara bağlanıb ac və susuz qalan qadınlar, günlərlə təcavüzə uğrayıblar. Öldürdükləri qurbanları isə yaşadıqları evin zirzəmisində basdırıblar.

Cütlüyün cinayət əməlləri onların 16 yaşlı qızları yoxa çıxdıqdan sonra məlum olub. 1994-cü ildə həbs edilən cütlüyün dəhşətli əməlləri mətbuatda geniş yer alıb. Onların ən dəhşətli əməllərindən biri 8 aylıq hamilə qadının qarnını yarıb, uşağı çıxarmaq olub.
Məhkəmə prosesi gedən ərəfədə Fred həbsxanada qaldığı kamerada özünü asıb. Rozamari isə ömürlük həbscəzasına məhkum edilib.

Son ana qədər günahsız olduğunu iddia edən Rozamarinin məhkəmədəki son sözləri isə bu cür olub: "Mənim üçün dəyərli olan yeganə şey həyatımdır onu da, sənə qurban verirəm."

Bu cütlüyün cinayət əməlləri araşdırılan zaman Fred Vestin ilk həyat yoldaşı və qızları da daxil olmaqla, ümumilikdə 15 qadın cəsədi tapılır. Həmin cəsədlər təcavüzə uğramış, təmir alətləri ilə işgəncə verilərək başları və bədənləri kəsilmiş halda idi.

Milli.Az

Məqaləyə dair fotomateriallar:

XƏBƏR LENTİ

Copyright © 2019 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.