Dünya

"Netflix" pedofilliyi təbliğ etməkdə ittiham edildi

23 Avqust 2020 11:08
Baxış: 969
VTB-də minimal faiz dərəcəsi ilə nağd kredit 9.9%-dən
#DÜNYADA #FİLM

Kinoteatrların bağlandığı bir dövrdə "Netflix" şirkəti xeyli izləyici kütləsi toplayıb. Eyni zamanda, mövcud durum şirkətin qazancının da kifayət qədər artmasına səbəb olub. 

Hər zaman səs-küylü, maraqlı layihələr təqdim etməyə çalışan şirkət bu dəfə 11 yaşlı müsəlman qız haqqında çəkdiyi "Mignonnes" ("Sevimli") adlı fransız filmi ilə qalmaqalın cənginə düşüb.

Milli.Az musavat.com-a istinadən bildirir ki, filmin anons və afişası yayılar-yayılmaz sosial mediada müzakirələrə səbəb olub. Film pedofilliyi təbliğ etməkdə ittiham olunub.

Filmin hekayəsi qısa formada belədir -11 yaşlı müsəlman qız ailəsinin məhdudiyyətlərinə baxmayaraq, rəqs yarışmasında iştirak edir. Filmin yayılan anonsunda qızın heç də adi deyil, seksual rəqslər etməsi aydın görünür. Üstəlik filmin afişasında yetkinlik yaşına çatmayan qızların seksual pozalarda dayanması qəzəbləri daha da alovlandırıb.

Bəziləri "Netflix"i təkcə pedofilliyi deyil, islamofobiyanı da təbliğ etməkdə günahlandırıb.
Şirkət bütün bu ittihamlardan sonra 9 sentyabrda təqdimatı nəzərdə tutulan "Mignonnes" filminə görə üzr istəyib və qalmaqallı afişanı çıxardıb.

"Yersiz görüntülərə görə çox təəssüf edirik. Bu, bir səhv idi. Afişanın şəkil və təsvirini artıq dəyişdirmişik", - şirkətdən bildirilib.

Milli.Az

Milli.Az - Xəbər Portalı
Azernews Newspaper

DİGƏR XƏBƏRLƏR

XƏBƏR LENTİ

Copyright © 2026 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.