Dünya

Türkiyədə Krım-Konqo hemorragik qızdırma xəstəliyi ilə bağlı epidemioloji vəziyyət gərginləşib

3 İyun 2020 21:06

2 Şərh Baxış: 1 922

VTB-də minimal faiz dərəcəsi ilə nağd kredit 9.9%-dən

#DÜNYADA #TÜRKİYƏ

Bütün dünyanın yeni növ koronavirusla (COVID-19) mübarizə apardığı bir vaxtda Türkiyə ərazisində Krım-Konqo hemorragik qızdırma xəstəliyi ilə bağlı epidemioloji vəziyyət gərginləşib.

Milli.Az AZƏRTAC-a istinadən bildirir ki, gənələr vasitəsilə insanların yoluxduğu xəstəlik artıq ölkənin Tunceli, Gümüşhane, Bayburt, Giresun, Bingöl, Sivas, Ərzincan və Tokat şəhərində görülüb.

Son yoluxma hallarının qeydə alındığı Ərzincanda son bir ay ərzində 17 xəstə aşkar edilib. Ən çox yoluxanlar isə 40 nəfərlə Sivasda qeydə alınıb.

Bəzi hallarda ölümlə nəticələnən bu xəstəlik ilk dəfə 1944-1945-ci illərin yaz aylarında Qərbi Krımda sovet əsgərləri arasında qanamalı qızdırma ilə ortaya çıxıb. Türkiyə ərazisində isə ilk dəfə 2002-ci ildə müşahidə edilib.

Mütəxəssislər xəstəliyin baş qaldırmasını COVID-19-la əlaqədar olaraq kənd təsərrüfatı və heyvandarlıqda dərmanlama işlərinin daha az aparılması və bunun nəticəsi olaraq həşəratların xəstəliyi yayması ilə izah edirlər.

Milli.Az