Dünya

ABŞ-da həbs edilən iranlı alim azadlığa buraxılıb

3 İyun 2020 13:49
0 Şərh     Baxış: 622

Casusluqda və sanksiya rejimini pozmaqda ittiham edilərək ABŞ-da həbs edilən iranlı professor Sirus Əsgəri azadlığa buraxılıb.

Milli.Az AZƏRTAC-a istinadən bildirir ki, bu barədə məlumatı İranın Xarici işlər naziri Məhəmməd Cavad Zərif "Twitter" hesabında yazıb.

Nazir bildirib ki, artıq iranlı professor azadlıqdadır və bir neçə gündən sonra İrana qayıdacaq.

Oqayo universitetində keçirilən elmi tədbirdə iştirak etmək üçün ABŞ-a yola düşən S. Əsgəri hava limanında həbs edilərək Vaşinqton şəhərinin türməsinə salınmışdı. Alim məxfi elmi məlumatları oğurlamaqda və ABŞ-ın İrana qarşı tətbiq etdiyi sanksiya rejimini pozmaqda ittiham edilirdi. Uzun sürən məhkəmə çəkişməsindən sonra məlum oldu ki, S. Əsgəri qanun pozuntusuna yol verməyib. ABŞ məhkəməsi alimin azadlığa buraxılması haqqında qərar qəbul edib.

Milli.Az

loading...

Şərh yaz:

0 Şərh:

XƏBƏR LENTİ

Copyright © 2019 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.