Dünya

Zelenski Saakaşvili ilə bağlı gözləntilərindən danışdı

10 May 2020 16:47

0 Şərh Baxış: 1 550

#UKRAYNA

İslahatların İcraiyyə Komitəsinin rəhbəri vəzifəsinə təyin edilmiş Gürcüstanın keçmiş Prezidenti Mixail Saakaşvilinin təcrübəsi və investisiya əlaqələri ona yeni vəzifəsində kömək edə bilər.

"Qafqazinfo" "Ukrinform"a istinadən bildirir ki, bu sözləri Ukrayna Prezidenti Vladimir Zelenski Zakarpat vilayətinə səfəri zamanı deyib.

Ukrayna dövlət başçısının sözlərinə görə, Gürcüstanda Saakaşvilinin prezidentliyi dövründə korrupsiya saxtakarlığı xeyli azalmış və müasir gömrük sistemi yaradılmışdı. "O danışıb ki, vaxtilə gömrük sahəsinə yeni şəxslər təyin edib, sonra hamısını qovub. Bir müddət sonra digərlərini təyin edib və yenidən qovmalı olub. Gömrük islahatı belə bir mürəkkəb şeydir", - Zelenski qeyd edib.

Ukrayna lideri onu da əlavə edib ki, Gürcüstanın sabiq prezidenti "bir çox ölkələrlə kifayət qədər güclü investisiya əlaqələrinə malikdir", hansı ki, Ukraynaya düzgün istiqamətdə islahat aparmaqda kömək edəcək.

Milli.Az