Dünya

Norveçdə işsizlik nisbəti 1930-cu illərin böyük böhranından bəri ən yüksək səviyyəyə qalxıb

27 Mart 2020 07:34

0 Şərh Baxış: 1 322

VTB-də minimal faiz dərəcəsi ilə nağd kredit 9.9%-dən

#DÜNYADA #KORONAVİRUS

Norveçdə işsizlik nisbəti 1930-cu illərin böyük böhranından bəri ən yüksək səviyyəyə qalxıb.

Milli.Az AZƏRTAC-a istinadən bildirir ki, krallıqdakı işsizlik nisbətinin kəskin artmasının əsas səbəbi koronavirus pandemiyasının yaratdığı iqtisadi geriləmə olub.

Son məlumatlara görə, virusların yayılması səbəbi ilə yaranan böhranın öhdəsindən gəlmək üçün şirkətlər on minlərlə işçisini tutduqları vəzifədən müvəqqəti azad edir. Bunun nəticəsində isə son iki həftə ərzində işsizlik müavinəti üçün müraciət edən norveçlilərin sayı təxminən 350 faiz artıb. Beləliklə, hazırda Norveçdə rəsmi olaraq qeydiyyata alınan işsizlik nisbəti indiyə qədər qeydə alınan ən yüksək göstəricilərdən biri olan 10,4 faiz təşkil edib. Üstəlik, həftəlik nəşr olunan son məlumatlar bütövlükdə Norveç iqtisadiyyatında sürətli tənəzzülün davam etdiyini göstərir.

Vəziyyətlə bağlı Norveçin mərkəzi bankı iki dəfə təcili bank uçot dərəcələrini endirməklə yanaşı, ölkənin milli valyutası olan - kronun ucuzlaşdıqdan sonra, bazarda valyuta çaxnaşmasına qarşı müdaxilə etməklə hədələməsinə səbəb olub. Norveç hökuməti, öz növbəsində, ölkə iqtisadiyyatına dəstək vermək üçün əlindən gələni edəcəyini vəd edərək, təxminən 280 milyard kron (21 milyard avrodan çox) dəyərində tədbirlər planını təqdim edib.

Qeyd edək ki, Norveç iqtisadiyyatı son dəfə bu qədər böyük problemlə yalnız böyük böhran dövründə üzləşib. Məhz ötən əsrin 1930-cu illərində böhran səbəbi ilə Norveçdə işsizlik nisbəti 11 faizə çatıb.

Milli.Az