Dünya

Moskvada ərzaq dükanları və apteklərdən başqa, bütün mağazalar müvəqqəti bağlanacaq

26 Mart 2020 15:21
0 Şərh     Baxış: 2 253
VTB-də MİNİMAL FAİZ DƏRƏCƏSİ İLƏ NAĞD KREDİT 10.49%-dən

Koronavirusun yayılmasının qarşısını almaq məqsədilə Moskvada ərzaq dükanları və apteklərdən başqa, bütün mağazalar müvəqqəti bağlanacaq.

Milli.Az APA-ya istinadən bildirir ki, bu barədə Moskva meri Sergey Sobyanin qərar imzalayıb.  

"28 mart - 5 aprel tarixlərində ərzaq və digər əsas ehtiyacları qarşılayan aptek və dükanlar istisna olmaqla, bütün pərakəndə ticarət obyektləri müvəqqəti olaraq bağlanacaq", - deyə qərarda qeyd olunub.

Merin imzaladığı qərara əsasən, paytaxtdakı bütün restoran, kafe və barlar və digər iaşə xidmətləri də bu müddətdə müştərilərə xidmət göstərməyəcək. Lakin qadağa bu obyektlərin müştəri qəbul etmədən çatdırılma xidmətlərinə aid edilmir.

Tibbi və reabilitasiya xidmətləri, yaşlılara və ehtiyacı olan digər insanlara qayğı mərkəzləri, digər sosial xidmətlər, nəqliyyat xidmətləri, bank və sığorta xidmətləri, mənzil və rabitə xidmətləri, cənazə xidmətləri - bunların hamısı fəaliyyətini davam etdirəcək. Həmçinin uzaqdan iş fəaliyyəti tələb edən və ya çatdırılma xidmətlərində heç bir məhdudiyyət yoxdur.

Qərarda paytaxtdakı böyük parkların bağlanması da öz əksini tapıb.  

28 mart - 5 aprel 2020-ci il tarixlərində VDNKh sərgi mərkəzi, Qorki parkı, Tsaritsino və Kolomenskoye muzeyləri, Zaryadye Parkı, Kuskovo Mülkiyyəti və Sokolniki Parkı kimi ictimai ərazilər ziyarətçilər üçün müvəqqəti olaraq bağlanacaq". 

Qeyd edək ki, Moskvada COVID-19-a yoluxanların sayının 546-ya çatdığı bildirilib. Ümumilikdə isə ölkə ərazisində 840 nəfər virusa yoluxub, iki nəfər vəfat edib, 38 nəfər sağalıb.

Milli.Az

Azernews Newspaper

XƏBƏR LENTİ

Copyright © 2024 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.