Dünya

Kim koronavirusa yoluxmur? - Mühüm statistika

25 Fevral 2020 12:47
12 Şərh     Baxış: 8 558

Dünyanın 25 ölkəsində yayılan və ümumilikdə 3 minə yaxın insanın ölümünə səbəb olan koronavirus heç də hər kəsin ölümünə səbəb olmur. İndiyə qədər bu virusa yoluxanlar arasında ölənlərin əksəriyyəti 55 yaşdan yuxarı olanlardır.

Milli.Az axar.az-a istinadən xəbər verir ki, yeni koronavirusa 35-40 yaşdan yuxarı olan şəxslərin yoluxma riski yüksəkdir. Məlumata görə, bu virus sosial vəziyyətindən asılı olmayaraq, 35 yaşdan yuxarı kişilər üçün böyük təhlükə yaradır. Buna görə də ölən və yoluxanlar arasında bu yaş kateqoriyasından olan kişilər xüsusilə üstünlük təşkil edir. Uşaqlar və hamilə qadınlar isə, demək olar ki, yoluxmur. İndiyə qədər bu virusdan dünyasını dəyişənlər arasında uşaq və hamilə qadın yoxdur.

Çin Beynəlxalq Sağlıq Komissiyasının rəsmi açıqlamasına görə, indiyə qədər bu xəstəlikdən ölənlərin 80 faizi 60 yaşdan yuxarı olanlardır. Ölənlərin 75 faizi isə əvvəlcədən müəyyən xəstəlikləri olanlardır. Bura xüsusi olaraq ürək problemi olan və diabetdən əziyyət çəkənlər daxildir.

Yaşı 60-dan yuxarı olan, ürək problemi yaşayan, şəkər xəstəliyindən əziyyət çəkənlərin sağalma şansı olduqca aşağıdır. Ən yüksək risk qrupuna isə 75-80 yaşlılar daxildir.

Yaş artdıqca yoluxma və ölüm riskinin də artdığı deyilir.

Mütəxəssislər bunu onunla izah edir ki, xroniki xəstəlikləri olan böyüklərin immun sistemi virusa qarşı daha zəif mübarizə aparır. Bu səbəbdən diabet və ya ürək-damar sistemi xəstəlikləri koronavirusun daha ağır keçməsinə və daha kəskin ağırlaşmalara səbəb olur.

Redinq Universitetinin professoru, alim-virusoloq Consun sözlərinə görə, koronavirusun daha tez-tez rast gəlinən ağırlaşmış halı olan pnevmoniya immun sistemi zəif olan adamlarda müşahidə olunur. Koronavirus diaqnozunun qoyulduğu Uhan xəstəxanasındakı pasiyentlərin təxminən yarısında əvvəlcədən xroniki xəstəliklər olduğu aşkar edilib.

Ancaq ən maraqlı məqam isə az qala dünya ölkələrinin əksəriyyətini cənginə alan bu virusa heç bir ölkədə uşaqların yoluxma halının qeydə alınmamasıdır. Bunu izah edən çox sayda versiya mövcuddur, ancaq ekspertlər virusun uşaqlara nə üçün daha az yoluxduğuna hələ qəti cavab verə bilmirlər. Hələlik məlum olmayan səbəblərə görə koronavirus azyaşlılara ya ümumiyyətlə təsir etmir, ya da xeyli yüngül nəticələnir.

Bu təhlükəli və ölümcül epidemiyanın uşaqlara yoluxmaması ilə bağlı ən ağlabatan versiyanı isə London Universiteti kollecinin müəllimi Natali Makdermott irəli sürüb. Onun fikrincə, adətən, 5 yaşına qədər uşaqların, o cümlədən yeniyetmələrin orqanizmləri viruslara qarşı çox yaxşı mübarizə apara bildiyi üçün uşaqlarda yoluxma qeydə alınmayıb. N.Makdermott bildirib ki, uşaqlarda xəstəlik daha yüngül keçir, ya da simptomları üzə çıxmır. Koronavirus yayıldığı gündən 3 körpə doğularkən bu virusa yoluxub. Lakin hər üçü sağalıb.

Bir başqa həkim isə uşaqların bu virusa yoluxmamasını belə izah edir:

"Uşaqlarda anadangəlmə immunitet, yəni yad patogenlərə erkən reaksiya və mübarizə daha aktivdir. Anadangəlmə immun sistemi viruslardan qorunmada birinci xətt mühafizədir. Uşaqda immun-cavab güclüdür, bu səbəbdən koronavirus orqanizmə düşən kimi aşkarlanır və mübarizə başlayır. Təəssüf ki, böyüklərdə bu kəskin reaksiya yoxdur, xəstəlik gec aşkarlanır və ağırlaşır".

Maraqlıdır ki, eyni mənzərə 2003-cü ildə SARS virusu epidemiyası yayılarkən də müşahidə olunmuşdu. Onda 800 nəfər - bu virusa yoluxanların 10 faizi vəfat etmişdi. Bu virus da uşaqlara toxunmamışdı.

Milli.Az

loading...

Şərh yaz:

12 Şərh:

  • Anonim
    emo · 25 Fevral 12:5003

    Sohbet KIM CEN IN den gedir :)

    Cavab yaz
  • Anonim
    Alimardan · 25 Fevral 12:5880

    bunun daha harasi yaxsi oldu ? gelse Azərbaycanı tam buruyecek. xalgin yarisi diabetik, yarisi urek xestesi, galanlarida immuniteti zəif olan yaşlı adamlardir.

    Cavab yaz
    • Anonim
      Yağmur · 26 Fevral 09:4220

      Elza düz deyibmiş -gelin hamile olaq ! Necede qabaq gören insanmış hamilelere virüs tesir edir.

      Cavab yaz
  • Anonim
    Coco · 25 Fevral 13:1240

    Bes iranda iki azyasli olmaqla umumilikde 16 nefer dunyasini deyisib xeberi yazmisdiniz nece yeni usaqlari tutmur?!!! Virus baxmir qoca ya usag

    Cavab yaz
  • Anonim
    Əsranur · 25 Fevral 13:2953

    Sadalanan xəstəlikləri olmayanlar,Koronavirusu aldatmaq üçün,uşaq paltarları geyinə bilərlər.İrezkiyy ağlıma gəldiye:)))

    Cavab yaz
    • Anonim
      R · 25 Fevral 14:2220

      Ya da hamilə qalmalıdırlar)

      Cavab yaz
      • Anonim
        Əsranur · 25 Fevral 14:2831

        Baxsınlar da,kimin nəyə gücü çatırsa.

        Cavab yaz
  • Anonim
    TA · 25 Fevral 14:3820

    Men bilen lmuniteti-cani,gani zəif olan hərkəsi viruslar tez tutar və tez aparar.her kəsin canı özelinde həmdə Allahın emrindedir.

    Cavab yaz
  • Anonim
    Oxucu · 25 Fevral 14:5910

    Bu yaxınlarda saytlarda bir video xəbər yayılmışdı, Çində ata koronavirusa yoluxmuş körpə uşağına şüşənin arxasından baxıb ağlayır, ona kömək edə bilmir, ürək dağlayan görüntülər filan... Çində çəkilmiş video idi. Bəs o nə idi onda, hətta o uşaq səhv etmirəmsə ölmüşdü

    Cavab yaz
  • Anonim
    Yazıq müəllimlər · 25 Fevral 18:5900

    İranda məktəblər yaşlı müəllimlərə görə bağlanıb. Cavan müəllim, yəni molla yoxdur. Uşalar eşşək-eşşək oyayır, müəllimlər qırılır!?

    Cavab yaz
  • Anonim
    Seva · 26 Fevral 10:4100

    Cox sirni yemeyin. Immun sisteminin evini yixan esas sebelerden biri budur. Kstati sirni usaqlarindan da boyunu artmaga qoymur. Ikiside tesdiqlemnis faktdir.

    Cavab yaz
  • Anonim
    İsa · 3 Mart 16:2600

    korona virusuna yoluxanların 38 c qızdırması olur

    Cavab yaz

XƏBƏR LENTİ

Copyright © 2019 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.