Dünya

Zərifdən Trampa tövsiyə

26 Yanvar 2020 10:33
5 Şərh     Baxış: 1 318
VTB-də minimal faiz dərəcəsi ilə nağd kredit 9.9%-dən
#IRAN #ABŞ

İran Xarici İşlər naziri Cavad Zərif ABŞ Prezidenti Donald Trampa KİV başlıqlarına deyil, faktlara əsaslanaraq qərar qəbul etməyi tövsiyə edib.

Milli.Az APA-ya istinadən bildirir ki, bundan əvvəl D. Tramp "Fox News" telekanalına istinad edərək "Twitter" sosial şəbəkəsindəki səhifəsində yazıb ki, İran Xarici İşlər naziri Tehranın ABŞ-la danışıqlar aparmağı arzuladığını, ancaq sanksiyaların qaldırılmasını istədiyini bildirib.

C. Zərif isə "Twitter" sosial şəbəkəsindəki səhifəsində qeyd edib ki, ABŞ Prezidenti xarici siyasətlə bağlı şərhləri və qərarlarında "Fox News" telekanalının xəbər başlıqlarına və fars dili tərcüməçisinə yox, faktlara əsaslansın. İRAN Xin rəhbəri "Spiegel" nəşrinə müsahibəsindən bir parçanı da paylaşıb. C. Zərif həmin müsahibəsində İranın general Qasim Süleymaninin öldürülməsindən sonra da Vaşinqtonla danışıqların aparılmasının mümkünlüyünü istisna etməyib. İran XİN rəhbəri deyib ki, ABŞ İrana münasibətdə xarici siyasət kursunu dəyişsə və sanksiyaları ləğv etsə, Vaşinqtonla danışıqların aparılması istisna deyil. Eyni zamanda İranın hələ də danışıqlar masasında olduğunu, ABŞ-ın masanı tərk etdiyini də vurğulayıb.

Milli.Az

Milli.Az - Xəbər Portalı
Azernews Newspaper

DİGƏR XƏBƏRLƏR

XƏBƏR LENTİ

Copyright © 2026 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.