Dünya

Türkiyədə həyəcan siqnalı - "Yer qabığı qırıla bilər"

24 Yanvar 2020 23:24
2 Şərh     Baxış: 3 309

Türkiyənin Daxili İşlər naziri Süleyman Soylu Elazığda baş vermiş 6,8 ballıq zəlzələdən sonra ilk açıqlama verib.

Milli.Az qafqazinfo-ya istinadən xəbər verir ki, nazir Sivricə ərazisində 4-5 mərtəbəli yaşayış binasının uçduğunu bildirib:

"Hər hansı ölüm hadisəsi olmayıb. 2 vətəndaşımız yaralıdır. 6,8 ballıq zəlzələdən sonra yeraltı təkanlar meydana gəlib. Əlavə məlumat olduqda ictimaiyyətlə paylaşılacaq".

Zəlzələ ilə bağlı geoloqlar da bəzi ehtimallar irəli sürüblər. Professor Şükrü Ərsoy zəlzələnin qorxulu olduğunu, hətta Yer qabığını qırma ehtimalını irəli sürüb. Onun fikrincə, güclü enerji boşalması olduğu üçün təkrar zəlzələlər meydana gələcək.

Professor Süleyman Pampal isə vəziyyətin heç də ürəkaçan olmadığını qeyd edib:

"Zəlzələ Osmaniyyədə də hiss olunub. Arada çox uzun məsafə var. Vəziyyət çox pis görünür".

Professor Nazi Görür şiddətli zəlzələ səbəbindən ölüm hallarının baş verəcəyini istisna etməyib.

Milli.Az

loading...

Şərh yaz:

2 Şərh:

  • Anonim
    leyla · 25 Yanvar 01:0060

    Allah qorusun qardaş ölkeni

    Cavab yaz
  • Anonim
    Maqa · 25 Yanvar 15:1620

    Allah Qorusun Allahın nəzəri Olar inşallah Qardaş Türkiyəmizə

    Cavab yaz

XƏBƏR LENTİ

Copyright © 2019 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.