Dünya

Finlandiya Stalin dövründə həlak olmuş yüz minlərlə finin taleyini araşdırmaq niyyətindədir

17 Yanvar 2020 22:49
1 Şərh     Baxış: 1 622
VTB-də minimal faiz dərəcəsi ilə nağd kredit 10.49%-dən

Finlandiya hökuməti inqilabdan sonra Rusiyaya gəlmiş və Stalin dövründə həlak olmuş yüz minlərlə finin taleyini araşdırmaq niyyətindədir.

Milli.Az AZƏRTAC-a istinadən bildirir ki, Finlandiya hökumətinin mətbuat xidmətinin yaydığı xüsusi məlumatda belə deyilir.

Finlandiyada SSRİ-də finlərin taleyi mövzusunda açıq müzakirələr 2019-cu il avqust ayının sonlarında - ölkədə çıxan nüfuzlu "Helsingin Sanomat" qəzeti bu mövzu ilə bağlı məqalə dərc edəndən sonra başlayıb.

Finlandiya hökuməti 1917-1953-cü illər dövrünü əhatə edəcək irimiqyaslı araşdırmaya başlamaq barədə qərar qəbul edib. Bu günə olan məlumata görə, inqilabdan əvvəl Böyük Finlandiya Knyazlığı istisna olmaqla, Rusiya İmperiyası ərazisində 400 mindən çox etnik fin və karel yaşayıb.

İndi Finlandiya tədqiqatçıları hazırlıq işlərinə başlayıblar. Layihənin icrasına 2020-ci ilin avqustunda başlanacaq və 2025-ci ilin iyulunadək davam edəcək. Onun maliyyələşdirilməsinə Finlandiya hökuməti katibliyindən, Təhsil və Mədəniyyət Nazirliyindən 2 milyon avrodan çox vəsait ayrılacaq.

Milli.Az

Azernews Newspaper

XƏBƏR LENTİ

Copyright © 2025 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.