Dünya

İran parlamenti generalın ölümü ilə bağlı qapalı iclas keçirəcək

4 Yanvar 2020 14:46

0 Şərh Baxış: 1 132

VTB-də minimal faiz dərəcəsi ilə nağd kredit 10.49%-dən

#DÜNYADA #IRAN

İran parlamenti sabah general Qasim Süleymaninin ölümü ilə bağlı qapalı iclas keçirəcək.

Milli.Az Trend-ə istinadən bildirir ki, bunu İran parlamentinin rəyasət heyətinin sözçüsü Əsədulla Abbasi Tasnim informasiya agentliyinə istinadən məlumat verib.

Ə.Abbasinin sözlərinə görə, iclasda bəzi təhlükəsizlik və hərbi rəsmilər də iştirak edəcək.

Abbasi əlavə edib ki, iclasda ABŞ-ın hücumunun detalları araşdırılacaq.

İran parlamenti rəsmisi bildirib ki, deputatların bazar ertəsi günü (6 yanvar) Qasim Süleymaninin dəfn mərasimində iştirak edəcəklərinə görə, parlamentin qapalı iclası olmayacaq.

Xatırladaq ki, yanvarın 3-də Bağdad Hava limanının raket zərbələrinə məruz qalması nəticəsində İran İnqilab Keşikçiləri Korpusunun Qüds Xüsusi Qüvvələrinin rəhbəri general Qasım Süleymani öldürülüb. Pentaqon generalın öldürülməsinə görə məsuliyyəti öz üzərinə götürüb. Qeyd edilir ki, əməliyyatın məqsədi gələcəkdə İran tərəfindən hücumların qarşısını almaq olub.

Milli.Az