Şou-biznes

DiKapriodan illər sonra “Titanik” etirafı: Eşidənlər təəccübləndi

19 Dekabr 2025 00:50

Baxış: 9 372

VTB-də minimal faiz dərəcəsi ilə nağd kredit 9.9%-dən

#KİNO #AKTYOR #FİLM #OSKAR MÜKAFATI

"Oskar" mükafatlı aktyor Leonardo DiKaprio kino tarixinin ən ikonik filmlərindən biri sayılan "Titanik" haqqında diqqətçəkən etirafla gündəmə gəlib. Məşhur aktyor illər sonra açıqladığı bu fikirlə bir çox pərəstişkarını təəccübləndirib.

Milli.Az xəbər verir ki, 51 yaşlı Leonardo DiKaprio "Variety" jurnalının Actors on Actors layihəsi çərçivəsində aktrisa Cennifer Lourenslə keçirdiyi müsahibədə səmimi açıqlamalar verib. Söhbət zamanı DiKaprio rol aldığı filmləri adətən yenidən izləməyi sevmədiyini bildirib.

Aktyor karyerasının ən yaddaqalan layihələrindən biri olan "Titanik" filmini isə heç vaxt yenidən izləmədiyini etiraf edib. Cennifer Lourensin "Titaniki sonradan izləmisən?" sualına DiKaprio qısa və konkret şəkildə "Xeyr, izləməmişəm" cavabını verib.

Cennifer Lourens aktyoru filmi yenidən izləməyə razı salmağa çalışaraq, "Mütləq baxmalısan. İndi baxsan, çox xoşuna gələr" deyib. DiKaprio zarafatla cavab verərək, "Mən filmlərimi çox izləmirəm. Bəs sən izləyərdin?" sualını ünvanlayıb.

Lourens isə gülərək, "Xeyr, çünki 'Titanik' kimi bir film çəkməmişəm. Əgər çəksəydim, mütləq izləyərdim", - deyə cavab verib.

Lalə Qüdrətova
Milli.Az