Avto

Tərk edilmiş lüks avtomobil salonu TAPILDI: nadir modellər heyrət doğurdu - FOTOlar

18 Dekabr 2025 22:00

Baxış: 497

VTB-də minimal faiz dərəcəsi ilə nağd kredit 10.49%-dən

#MARAQLI #AVTO #SÜRÜCÜ #AVTOMOBİL #YAPONİYA

Yaponiyada bir şəxs tərk edilmiş lüks avtomobil salonu ilə qarşılaşıb və burada gördükləri onu sözün əsl mənasında təəccübləndirib. "Rolls-Royce"dan "Bugatti"yə qədər nadir modellərin bir məkanda unudulması avtomobil həvəskarlarının diqqətini cəlb edib.

Milli.Az-ın xarici mediaya istinadən verdiyi məlumata görə, sözügedən avtosalon Yaponiyada yerləşir. Uzun müddət baxımsız qaldığı üçün ərazi dağınıq vəziyyətə düşüb, avtomobil hissələri isə ətrafa səpələnib. Avtomobillərin əksəriyyəti zədələnmiş və paslanmış olsa da, aşkar edilən modellərin avtomobil tarixində xüsusi yeri olduğu bildirilir.

Məlumata görə, adətən avtomobil alarkən insanlar müasir, səliqəli və tam təchiz olunmuş salonlara üstünlük verirlər. Lakin bu nümunə göstərir ki, biznes uzun müddət nəzarətsiz qaldıqda, hətta ən dəbdəbəli avtomobillər belə baxımsız vəziyyətə düşə bilər.

Xüsusilə "losthistorie" ləqəbi ilə tanınan şəhər tədqiqatçısı həmin avtomobil salonuna etdiyi səfərlə bağlı təəssüratlarını paylaşıb. O bildirib ki, burada yalnız adi sedanlar deyil, eyni zamanda "Bugatti", "Maserati" kimi lüks və nadir avtomobillər də saxlanılıb.

Tədqiqatçı YouTube kanalında salondan daha çox modeli nümayiş etdirib. Onların arasında ön kapotunda nişanı hələ də yerində olan köhnə "Rolls-Royce" da yer alıb.

Avtomobil həvəskarları bu görüntülərə biganə qalmayıb. Sosial şəbəkə istifadəçiləri şərhlərində, "Bunlardan daha gözəl dizayna malik avtomobil yoxdur, bunu görmək kədərlidir", "Məni ora aparın" və "Köhnə avtomobillər niyə bu qədər rəngarəngdir, bu inanılmazdır" kimi fikirlər səsləndiriblər.

Hüseyn
Milli.Az