Avto

"Volkswagen" 100 min elektromobili geri çağırır

25 Mart 2026 10:41
Baxış: 901
VTB-də minimal faiz dərəcəsi ilə nağd kredit 9.9%-dən
#VOLKSWAGEN AG #AVTO #AVTOMOBİL #ELEKTROMOBİL

"Volkswagen" avtomobil konserni təxminən 100 min ədəd elektromobili geri çağırır.

Milli.Az oxu.az-a istinadən xəbər verir ki, bu barədə "Reuters" agentliyi Almaniyanın Federal Avtomobil Nəqliyyatı İdarəsinə istinadən məlumat yayıb.

Geri çağırılmanın səbəbi akkumulyator modullarında aşkar edilən problemlərdir. Bildirilir ki, bu komponentlər texniki tələblərə cavab vermir və nəticədə avtomobillərin yürüş ehtiyatının azalmasına səbəb ola bilər. Bundan əlavə, yanğın riski də mövcuddur.

Məlumata görə, tədbir əsasən təxminən 75 min "Volkswagen ID." modelini, eləcə də 20 minə yaxın "Cupra Born" avtomobilini əhatə edir. Söhbət 2022-ci ilin fevralından 2024-cü ilin avqustuna qədər istehsal olunmuş nəqliyyat vasitələrindən gedir.

Şirkət bu avtomobillərdə proqram təminatını yeniləyəcək, yüksək gərginlikli batareyaları yoxlayacaq və zərurət yarandığı halda ayrı-ayrı akkumulyator modullarını dəyişdirəcək.

Milli.Az

Milli.Az - Xəbər Portalı
Azernews Newspaper

DİGƏR XƏBƏRLƏR

XƏBƏR LENTİ

Copyright © 2026 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.