Avto

Hyundai 69 060 avtomobilini GERİ ÇAĞIRIR

24 Mart 2026 13:37
Baxış: 805
VTB-də minimal faiz dərəcəsi ilə nağd kredit 9.9%-dən
#AVTO #AVTOMOBİL #SƏNAYE #CƏNUBİ KOREYA

Cənubi Koreyanın "Hyundai Motor" şirkəti ABŞ və Kanadada 69 060 ədəd üçcərgəli SUV avtomobilini geri çağırır.

Milli.Az Trend-ə istinadən bildirir ki, buna səbəb ikinci və üçüncü sıra oturacaqların insan və ya əşya ilə təmas zamanı qatlanmasının qarşısını almalı olan sistemdə aşkarlanan nasazlıqdır.

Şirkət 2026-cı il istehsalı olan "Palisade" modelinin "Limited" və "Calligraphy" seriyaları üzrə geri çağırma sənədini Yol Hərəkəti Təhlükəsizliyi üzrə Milli İdarəsinə təqdim edib. ABŞ-da isə bu modelin satışları dayandırılıb.

Məlumata görə, elektriklə tənzimlənən arxa oturacaqlarla bağlı sərnişinlərin sıxışdırılması halları qeydə alınıb. Bu hadisələrdən biri azyaşlı uşağın ölümünə səbəb olub.

Qeyd olunur ki, ötən ilin avqust ayının ortalarından bu il martın 9-dək şirkətə oturacaqlarla bağlı ümumilikdə 17 şikayət daxil olub, dörd sərnişin yüngül xəsarət alıb.

Milli.Az

Milli.Az - Xəbər Portalı
Azernews Newspaper

DİGƏR XƏBƏRLƏR

XƏBƏR LENTİ

Copyright © 2026 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.