Dünya

Pentaqon iranlı generalın ölümü ilə əlaqədar DNT testinin cavabını gözləyir

3 Yanvar 2020 07:37

0 Şərh Baxış: 1 166

VTB-də minimal faiz dərəcəsi ilə nağd kredit 10.49%-dən

#DÜNYADA #IRAN #ABŞ

Pentaqon Bağdadın hava limanına endirilən raket zərbələri nəticəsində İranın İslam İnqilabı Keşikçiləri Korpusunun "Qüds" xüsusi bölməsinin rəhbəri general Qasım Süleymaninin ölümünü təsdiq etmək üçün DNT testinin cavabını gözləyir.

Trend-in "TASS"a istinadən verdiyi məlumata görə, bu barədə "Newsweek" jurnalına Pentaqondan mənbə bildirib.

Xatırladaq ki, İraqın paytaxtı Bağdadda hava limanı raket atəşinə tutulub.3 raket hava limanı yaxınlığına düşüb. Nəticədə azı 8 nəfərin öldüyü bildirilir.

"Al Arabiya", "Al Jazeera" və "Sky News" telekanallarının məlumatına əsasən, ölənlər arasında İranın İslam İnqilabı Keşikçiləri Korpusunun "Qüds" xüsusi bölməsinin rəhbəri general Qasım Süleymani də olub.

"Reuters" agentliyinin amerikalı rəsmilərə istinadən verdiyi məlumata əsasən, ABŞ Bağdadın hava limanına endirilən zərbələrə görə məsuliyyəti öz üzərinə götürüb. Bildirilir ki, ABŞ Bağdadda "İranla əlaqəli iki hədəfə" zərbələr endirdiyini təsdiq edib.

Milli.Az