Dünya

İran Prezidenti dinc aksiyaçıları azad etməyə çağırıb

4 Dekabr 2019 19:39
0 Şərh     Baxış: 810

İran Prezidenti Həsən Ruhani benzinin qiymətinin artmasından sonra dinc şəkildə etirazını bildirərkən saxlanılan vətəndaşları azad etməyə çağırıb.

Milli.Az APA-ya istinadən xəbər verir ki, bu barədə İran Prezidenti televiziyada çıxışında bildirib.

O qeyd edib ki, dinc şəkildə etiraz edərkən saxlanılan, silahsız olan şəxslərə mərhəmət göstərilməli və onlar azadlığa buraxılmalıdırlar.

Xatırladaq ki, noyabrın 15-də gecə İranda davam edən iqtisadi böhranla əlaqədar benzin üçün norma tətbiq edilib, benzinin qiyməti qaldırılıb. İranda benzinin qiymətinin qaldırılması ölkənin bəzi şəhərlərində etirazlara səbəb olub. Aksiyalar zamanı polislə qarşıdurmalar da qeydə alınıb. Etirazçılar yollarda təkərlər yandırıb, avtomobillərin hərəkətinə əngəllər törədiblər. İranın Tehran əyalətində benzinin bahalaşması ilə bağlı baş verən iğtişaşlarda təhlükəsizlik qüvvələrinin 3 nəfər əməkdaşı öldürülüb. İğtişaşların təşkilində təqsirli bilinən şəxslər həbs olunub. 

Milli.Az

loading...

Şərh yaz:

0 Şərh:

XƏBƏR LENTİ

Copyright © 2019 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.