Dünya

Şərqi Azərbaycan əyalətində zəlzələdə ölən və yaralananların sayı artıb - YENİLƏNİB - VİDEO - FOTO

8 Noyabr 2019 10:27

1 Şərh Baxış: 4 104

VTB-də minimal faiz dərəcəsi ilə nağd kredit 9.9%-dən

#DÜNYADA #IRAN

10:27

İranın Şərqi Azərbaycan əyalətində baş vermiş zəlzələdə ölən və xəsarət alanların sayı artıb.

Milli.Az APA-ya istinadən bildirir ki, Şərqi Azərbaycan əyalətinin Böhranın idarəetmə idarəsinin baş direktoru Məhəmməd Baqir Hünərbər bildirib ki, Şərqi Azərbaycan əyalətində baş vermiş zəlzələ zamanı 6 nəfər ölüb, 345 nəfər xəsarət alıb, 40 ev tamamilə dağılıb.

O qeyd edib ki, Zəlzələ Ərdəbil, Zəncan və digər əyalətlərdə də hiss olunub. Ərdəbildə zəlzələ nəticəsində 30 nəfər yaralanıb, yaralılardan 2-nin vəziyyəti ağırdır.

Qeyd edək ki, bu axşam yerli vaxtla saat 02:17-də Şərqi Azərbaycan əyalətinin Miyana şəhəri yaxınlığında baş vermiş 5.9 bal gücündə olan zəlzələnin episentri Təbriz şəhərindən 156 kilometr cənub-şərqdə yerləşib.

Zəlzələnin ocağı 62 km dərinlikdə olub.

Xatırladaq ki, zəlzələ Azərbaycanın İranla sərhəd rayonlarında da hiss edilib.

-----------

09:04

İranın şimal-qərbində cümə günü baş verən zəlzələ nəticəsində ən azı 3 nəfər ölüb və 20 nəfər yaralanıb.

Milli.Az Trend-ə istinadən bildirir ki, ölkənin şimal-qərbindəki şərqi Azərbaycan əyalətində 5,8 bal gücündə zəlzələ qeydə alınıb. Zəlzələnin episentri 1,4 milyon əhalisi olan Təbriz şəhərindən 118 km qərbdə yerləşdi, zəlzələnin ocaqı isə 10 kilometr dərinlikdə yerləşirdi.

Avropa-Aralıq dənizi seysmoloji mərkəzi zəlzələ bölgəsində təxmini əhalinin 20 milyon nəfər olduğunu qeyd edir.

Zəlzələ Azərbaycanın sərhəd rayonlarında - Astara, Lənkəran, Lerik, Yardımlı, Masallıda hiss edilib.

Milli.Az