Dünya

Ərdoğan son tarixi açıqladı - Dekabr

16 Oktyabr 2019 22:12
0 Şərh     Baxış: 3 745
VTB-də minimal faiz dərəcəsi ilə nağd kredit 9.9%-dən
#TÜRKİYƏ #S-400

Rusiya istehsalı olan "S-400" zenit raket komplekslərinin Türkiyəyə göndərilməsinin sonuncu mərhələsinin bu ilin noyabr-dekabr aylarında həyata keçirilməsi gözlənilir.

Milli.Az Sputnik Azərbaycan-a istinadən xəbər verir ki, bunu jurnalistlərə açıqlamasında Türkiyə Prezidenti Rəcəb Tayyib Ərdoğan bildirib.

"Bizə dedilər "Patriot"ları sizə verməyəcəyik. Nə baş verdi? Biz "S-400"ləri aldıq... Tədarüklər həyata keçirilir. Tədarükə dair sonuncu mərhələ dekabrda, bəlkə də, noyabrda həyata keçiriləcək. Biz artıq çarəsiz vəziyyətdə deyilik. Bizə lazım olanı istədiyimiz yerdən alacağıq", - deyə Ərdoğan vurğulayıb.

Xatırladaq ki, sentyabrın 15-i Rusiya "S-400" zenit raket komplekslərinin Türkiyəyə göndərilməsinin ikinci mərhələsini başa çatdırıb.

Sentyabrın əvvəlində isə türkiyəli hərbçilər "S-400" zenit-raket komplekslərinin istifadəsi ilə bağlı Rusiyada təlimlərə başlayıblar.

Məlumatda qeyd olunur ki, Türkiyə Hərbi Hava Qüvvələrinin personalı "S-400"lərlə bağlı təlimləri Rusiyanın Qatçina şəhərində keçir.

Türkiyənin Müdafiə Sənayesi Komitəsinin sədri İsmayıl Dəmir isə bildirib ki, bu ilin sonuna qədər "S-400"lər Türkiyə Silahlı Qüvvələrinin nəzarətinə keçəcək: "Gələn ilin iyununda isə təlimlər və digər fəaliyyət başa çatdıqda bütün sistem istifadəyə tam hazır olacaq".

Milli.Az 

Milli.Az - Xəbər Portalı
Azernews Newspaper

DİGƏR XƏBƏRLƏR

XƏBƏR LENTİ

Copyright © 2026 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.