Dünya

Astara-Astara dəmiryol terminalında tikinti işləri bərpa edilib - Nazir müavini

24 Avqust 2019 18:58
0 Şərh     Baxış: 822
VTB-də MİNİMAL FAİZ DƏRƏCƏSİ İLƏ NAĞD KREDİT 10.49%-dən

İranın şimalında yerləşən Gilan vilayətində Rəşt-Astara dəmir yolunun 40 kilometrinin relslərinin düzülməsinə tezliklə başlanacaq.

Milli.Az Trend-ə istinadən bildirir ki, bunu İranın yol və şəhərsalma nazirinin müavini və İranın Dəmir Yol Şirkətinin icra direktoru Səid Rəsuli Astara Dəmiryol Terminalına baxış keçirərkən deyib.

S.Rəsulinin sözlərinə görə, relslərin düzülməsi İran hökumətinin xərci ilə həyata keçiriləcək. Azərbaycan Respublikası da Rəşt-Astara dəmir yolunun çəkilməsinə 500 milyon dollar investisiya yatıracaq.

Nazir müavini bildirib ki, Astara-Astara dəmiryol terminalında tikinti işləri uzun fasilədən sonra bərpa edilib və Azərbaycan tərəfi ilə bununla əlaqədar çoxlu danışıqlar aparılıb:

"Astara-Astara layihəsinin podratçısı dəmiryol terminalında yükləmə və boşaltma imkanlarını yaratmalıdır".

Qeyd edək ki, ötən ilin mart ayında Azərbaycan və İran arasında Astara-Astara dəmir yolu istismara verilib. İndiyədək çoxlu sayda yük qatarları Rusiya və Azərbaycandan İranın Gilan vilayətində təkmilləşdirilməkdə olan Astara dəmiryol terminalına daxil olub. Bu qatarların yükləri İranın müxtəlif bölgələrinə nəql olunub.

Astara-Rəşt dəmiryolunun çəkilməsi və dəmiryol terminalında işlərin yekunlaşmasından sonra yüklər Astaradan İranın cənub limanlarına dəmiryolu vasitəsi ilə daşınacaq.

Milli.Az

Azernews Newspaper

XƏBƏR LENTİ

Copyright © 2024 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.