Dünya

Nikolun xüsusi qrupu Tiflisdə nələr edir? - Sensasion detallar

27 İyun 2019 18:49
0 Şərh     Baxış: 2 208

Tiflisin rusiyalı turistlərin Ermənistandan tranzitindən imtina etməsi təsadüfü deyil.

Milli.Az bildirir ki, bu sözləri Axar.az-a açıqlamasında gürcü politoloq Georgi Tsiklauri deyib. O, Gürcüstan Otellər və Restoranlar Assosiasiyasının rəhbəri Şalva Alaverdaşvilinin rusiyalı turistlərin ölkə otellərinə çatdırılması zamanı İrəvandan deyil, Bakı və Trabzon aeroportlarından istifadə ediləcəyini bildirməsini şərh edərkən vurğulayıb ki, Ermənistandan Gürcüstana maydan "ixrac" edilir.

"Təsadüfü deyil ki, KİV-də Gürcüstan parlamentinə hücum zamanı təkcə erməni və Ermənistan vətəndaşlarının iştirakı deyil, həmçinin Ermənistanın xüsusi xidmət orqanlarının da əli olduğu yazılıb", - politoloq qeyd edib.

Tsiklauri xatırladıb ki, iyunun 24-də Tiflisdə avtomobil yürüşü etirazı zamanı aksiya iştirakçıları Daxili İşlər naziri Georgi Qaxariyanın istefasını və Rustaveli prospektində saxlanılanların sərbəst buraxılmasını tələb ediblər:

"Aksiyanın əsas təşkilatçısı erməni əsilli Serqo Qalstyan olub. O, həmçinin iyunun 21-də erməni təxribatçılarının iştirakı ilə Gürcüstan parlamentinin ələ keçirilməsi cəhdi zamanı saxlanılanların həbsinə dair qərar verən məhkəmə hakimlərinin də işdən çıxarılmasını tələb edib.

Onlardan biri Minas Minasyan Gürcüstan polisi tərəfindən saxlanılıb və Ermənistan səfirliyi dərhal onun azad edilməsi üçün cəhdlərə başlayıb. Və əlbəttə ki, Gürcüstan polisi tərəfindən 15 sutkalıq həbs edilən Ermənistan vətəndaşı, Soros Fondunun nümayəndəsi, erməni liberalı və Paşinyanın tərəfdaşı Minas Minasyan "təsadüfən" əlində "Molotov kokteyli" ilə Gürcüstan parlamentinin yanında olub.

Belə görünür ki, Ermənistan Baş naziri Nikol Paşinyanın tərəfdaşları Baqramyan adına taborun döyüşçülərinin Abxaziyada parlamentin binasını ələ keçirdikləri kimi, Gürcüstan parlamentini də ələ keçirib və cəzasız qalacaqlarını düşünürlər".

Tsiklauri hesab edir ki, sabiq prezident Mixail Saakaşvilinin həyat yoldaşının rusiyalı turistlərin Bakıdan daşınmasının tərəfdarı olması yuxarıda sadalananları təsdiqləyir.

"Saakaşvilinin xanımı ərinin və onun tərəfdaşlarının "şübhələrini üzərindən atmalıdır". Bununla yanaşı, Saakaşvili Paşinyanla bağlı heç bir pis söz deməyib. Bu təsadüfdür?" - politoloq bildirib.

Milli.Az 

loading...

Şərh yaz:

0 Şərh:

XƏBƏR LENTİ

Copyright © 2015 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.