Dünya

“Mossad”ın keçmiş rəhbərinin Səudiyyə Ərəbistanına məxfi səfər etdiyi ortaya çıxdı

13 Fevral 2019 20:30

0 Şərh Baxış: 928

VTB-də minimal faiz dərəcəsi ilə nağd kredit 10.49%-dən

#İSRAİL #SƏUDİYYƏ ƏRƏBİSTANI

İsrailin "Mossad" olaraq tanınan xarici kəşfiyyat xidmətinin keçmiş rəhbəri Tamir Pardonun vəzifədə olduğu 2014-cü ildə məxfi olaraq Səudiyyə Ərəbistanına səfər etdiyi ortaya çıxıb.

Milli.Az musavat.com-a istinadən xəbər verir ki, bu barədə İsrailin 13-cü kanalı adını vermək istəməyən Qərb dilomatlarından birinə istinadən bildirib.

Səfər zamanı Tamir Pardo səudiyyəli rəsmilərlə İran və beynəlxalq qurumlar arasında başlayan nüvə danışıqları, habelə Barak Obama administrasiyasının İranla yaxınlaşmaq siyasətini müzakirə etdiyi söylənilir. Səudiyyə rəhbərliyi Tamir Pardoya İsraili İrana qarşı mübarizədə ən böyük dəstəkçi olaraq gördüklərini və bu səbəbdən ilk dəfə israilli yüksək rütbəli məmurla müzakirəyə getdiklərini açıqlayıblar.

Xəbərdə ayrıca İsrailin baş naziri Benyamin Netanyahunun 2014-cü ilin sentyabr ayında Səudiyyə Ərəbistanın Milli Təhlükəsizlik Şurasının sədri şahzadə Bəndər bin Sultanla hələ ki adı çəkilməyən başqa bir ölkədə görüşdüyü qeyd olunub.
İsrail və Səudiyyə Ərəbistanı rəsmiləri xəbərlə bağlı hər hansı bir reksiya verməyiblər.

Milli.Az