Dünya

Obama səhiyyə islahatlarına dair qanun layihəsini təsdiqlədi

24 Mart 2010 13:27
Baxış: 220
VTB-də minimal faiz dərəcəsi ilə nağd kredit 9.9%-dən
ABŞ prezidenti Barak Obama bir ildir müxalif respublikaçılar və özünün mənsub olduğu Demokrat partiyasının bəzi üzvlərilə səhiyyə xidmətləri sistemində dəyişikliklər etmək ətrafında mübarizədən sonra geniş səhiyyə islahatlarına dair qanun layihəsinə imza atıb.  

Milli.Az-ın "Amerikanın səsi"nə istinadən verdiyi xəbərə görə, bu, 40 il ərzində ABŞ-da səhiyyə xidmətləri sistemində ən ciddi islahatdır.

Qanun layihəsi hazırda sığortası olmayan 32 milyon amerikalının tibbi sığorta almasına imkan verəcək.

Dünən Ağ Evdə imzalama mərasimində danışan cənab Obama deyib ki, təcili lazım olan islahatlar kiçik biznes şirkətlərinin öz işçilərini səhiyyə slğortası ilə təmin etmək üçün vergi kreditləri də daxil olmaqla dərhal qüvvəyə minəcək. O bildirib ki, sığorta şirkətlərinə əvvəl xəstə olan uşaqları sığorta etməmək və xəstələndikdə adamları sığorta planından çıxarmaq bundan sonra qadağan edilir.

Səhiyyə islahatları bütün ölkə boyu gərgin debatlara gətirib çıxarmış və Konqresin hər iki palatasında respublikaçıların kəskin etirazına səbəb olmuşdu.

Milli.Az
Milli.Az - Xəbər Portalı
Azernews Newspaper

DİGƏR XƏBƏRLƏR

XƏBƏR LENTİ

Copyright © 2026 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.