19:04
"İraq və Şam İslam Dövləti" (İŞİD) terror təşkilatı Surqut şəhərində törədilmiş terror aktına görə məsuliyyəti üzərinə götürüb.
Milli.Az bildirir ki, İŞİD-in "Amaq" informasiya agentliyi bununla bağlı bəyanat yayıb.
Rusiyanın Surqut şəhərində şəhər sakinlərinə bıçaqla hücum etmiş şəxs Bobiçel Abdurahmonovdur. Əslən Orta Asiyadan olan bu şəxs qeyri-adekvat davranışı ilə fərqlənsə də, tibbi uçotda olmayıb.
Bu gün Surqutun mərkəzindəki Bajov küçəsində insanlara bıçaqla hücum edən B.Abdurahmonov 7 nəfəri yaralayıb. 4 yaralının vəziyyəti ağırdır.
13:16
Rusiyanın Surqut şəhərində əlində bıçaq olan şəxs piyadalara hücum edib.
Milli.Az "Russian Today"a istinadla xəbər verir ki, hücum nəticəsində 8 nəfər yaralanıb.
8 nəfəri bıçaqlayan şəxs polislər tərəfindən öldürülüb. Yaralananların vəziyyəti ağır deyil.
Hücum Rusiya vaxtı ilə 11:20-də baş verib.
Hüquq-mühafizə orqanları məsələ ilə bağlı araşdırma aparır.
Bəxtiyar Umarlı
Milli.Az
Videonu izləmək üçün şəklə klikləyin:
Digər maraqlı xəbərlər Milli.Az-ın Facebook səhifəsində