Dünya

Qızların qaçırılmasından bir il keçir

19 Mart 2015 20:58
0 Şərh     Baxış: 1 990
VTB-də minimal faiz dərəcəsi ilə nağd kredit 9.9%-dən
#DÜNYADA #TERRORİZM #AFRİKA #BOKO HARAM
Nigeriya hərbi qüvvələri bildirib ki, militant qrupun nəzarətində olan qəsəbələrin yenidən geri alınmasına baxmayaraq keçən il Boko Haram qrupu tərəfindən qaçırılan 200 məktəbli qızın harada olduğu haqda məlumat əldə edilməyib.

Milli.Az "Amerikanın Səsi"nə istinadən bildirir ki, ordu rəhbəri general Kennet Minimah jurnalistlərə bildirib ki, hərbi qüvvələr qızlar haqda məlumat əldə etmək üçün ərazilərdəki sakinlərə müraciət edib.

Boko Haram qrupu bir il əvvəl orta məktəbdən qızları qaçırmışdı. Bu hadisə beynəlxalq qınağa səbəb olmuş və hökumət rəsmiləri qızların yerinin müəyyən edilməməsi səbəbi ilə tənqidlərə məruz qalmışdı.

General Minimah mətbuat konfransında deyib ki, Boko Haram militant qrupu hazırda üç dövlət ərazisinə nəzarət edir. Hökumət qüvvələri militant qrupu Yobe və Adamava ştatlarından çıxarıb.

Nigeriya generalı digər üç vilayət - Qvoza, Kalabaldi və Abadamın da tezliklə azad ediləcəyinə ümid bəslədiyini bildirib.

Mart ayının 28-i Nigeriyada parlament və prezident seçkiləri gözlənilir. Seçkilər fevral ayında ölkənin şimal-şərqində Boko Haram qrupunun hücumları səbəbi ilə təxirə salınmışdı.
 

Milli.Az

Milli.Az - Xəbər Portalı
Azernews Newspaper

DİGƏR XƏBƏRLƏR

XƏBƏR LENTİ

Copyright © 2026 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.