Dünya

Lufthansa pilotların tətilinə görə 876 uçuşu ləğv edir

22 Noyabr 2016 21:51
0 Şərh     Baxış: 1 281
VTB-də minimal faiz dərəcəsi ilə nağd kredit 10.49%-dən
#DEUTSCHE LUFTHANSA AG

Lufthansa aviaşirkəti çərşənbə günü pilotların tətilinə görə 876 uçuşu ləğv edir, Almaniya şirkətinin mətbuat xidməti bildirir.
Məlumata əsasən tətil gününə təyin edilən 3000 reysdən yalnız 2124-ü həyata keçiriləcək.
Milli.Az BBC-yə istinadən bildirir ki, uçuşların ləğvi 100 min sərnişinin səyahət planına təsir göstərəcək.
"Lufthansa müştərilərini maksimal dərəcədə məlumatlandırmaq və imkan daxilində başqa uçuşlardan istifadə etmək fürsətini vermək üçün səylərini əsirgəmir", - sərnişinlərə üzrxahlığını bildirən şirkətin rəsmi açıqlamasında deyilir.
Çərşənbə günü Lufthansa və onun törəmə şirkəti olan Eurowings-in pilotları Almaniya Mülki Aviasiya İşçilərinin Cockpit Həmkarlar İttifaqının çağırışı ilə növbəti tətilə qatılırlar.
Pilotların əsas tələbi maaşların artırılmasıdır.
Tətil gecəyarısı başlayaraq bir sutka davam edəcək.
Həmkarlar ittifaqı son 5 ildə dondurulmuş maaşların hər bir ilinə 3,6 faiz əlavə ödəniş tələb edirlər ki, buda məvaciblərin 20 faiz artması deməkdir.
Bu 2014-cü ildən bəri Lufthansa pilotların sayca 14-cü tətilidir.
Milli.Az

Milli.Az - Xəbər Portalı
Azernews Newspaper

DİGƏR XƏBƏRLƏR

XƏBƏR LENTİ

Copyright © 2025 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.