Dünya

Rusiyalılar Ukraynaya xarici pasportla gedib-gəlməli olacaq

3 Fevral 2015 23:27

0 Şərh Baxış: 1 525

VTB-də minimal faiz dərəcəsi ilə nağd kredit 9.9%-dən

#DÜNYADA #ETİK INVEST NORDİSKA AKTİER

Bu ilin martın 1-dən Ukrayna Rusiya vətəndaşlarına ölkəyə daxili pasportlarla gəlib-getməyi qadağan edir.

Müvafiq sərəncam Ukrayna baş naziri Arseni Yatsenyuk tərəfindən imzalanıb.

Milli.Az BBC-ə istinadən bildirir ki, Yatsenyuk rəsmi Kiyevin Rusiyanın addımını təkrar etdiyini və Vladimir Putinin MDB ölkələri arasında gediş-gəlişin xarici pasportlar əsasında həyata keçirilməsi barədə çağırışına uyğun qərar verildiyini vurğulayıb.

Bu ilin yanvarın 1-dən Moskva MDB vətəndaşları üçün Rusiyaya xarici pasportlarla daxil olmağa icazə verən qaydalar tətbiq edib.

Həmin qaydalarda yalnız Gömrük İttifaqına üzv olan ölkələrin vətəndaşları üçün istisna edilib.

Rusiya XİN rəhbəri Sergey Lavrovun sözlərinə görə, Gömrük İttifaqı ölkələrilə yanaşı Ukrayna üçün də həmin qaydalarda istisna edilib.

Sergey Lavrov rəhbərlik etdiyi idarənin Kiyevin addımı ilə bağlı bəyanat hazırladığını qeyd edib.

Ukrayna baş naziri Arseni Yatsenyukun sözlərinə görə, daxili Rusiya pasportları ilə ölkəyə daxil olmağa tətbiq edilmiş qadağa sərhəddə nəzarəti gücləndirməklə yanaşı ölkənin milli təhlükəsizlik maraqlarını təmin etməyə də imkan verəcək.

Cənab Yatsenyuk Ukraynaya gələn Rusiya vətəndaşlarının ölkədə qalması müddətinə də nəzarəti gücləndirməyi müvafiq qurumlara tapırııb.

Hökümətlərarası müqaviləyə əsasən, qeydiyyatdan keçmədən rusiyalılar Ukrayna ərazisində 90 gündən artıq qala bilməzlər.

Milli.Az