Dünya

Rusiya və Ukrayna indi də nağılları bölüşə bilmirlər

28 Aprel 2011 08:57
Baxış: 409
VTB-də minimal faiz dərəcəsi ilə nağd kredit 9.9%-dən
Milli.Az xəbər portalı BBC-yə istinadən bildirir ki, Ukrayna və Rusiya arasında yeni gərginlik mənbəyi üzə çıxıb.

Söhbət "babasından, nənəsindən" və hamıdan qaçmış məşhur kökədən gedir.

Rusiya və Ukrayna öz aralarında qazı bölə bilmədikləri kimi, məşhur "Kolobok"u da bölə bilmirlər.

Milli nağılların yeni xəritəsində Rusiya Slavyan dünyasının bir neçə məşhur nağılına sahib çıxıb.

Buna Kiyevdən gələn qəzəbli reaksiyada deyilir ki, bu nağılların əksəriyyəti Ukraynada yaranıb.

"Biri-vardı, biri- yoxdu, keçmiş vaxtlarda nəhəng bir Sovet İttifaqı vardı,- yazır BBC müxbiri Stiv Rozenberq. - Günlərin bir günündə bu nəhəng dağıldı və iki nəhəngə bölündü: Rusiya və Ukraynaya. Bu iki nəhəng əvvəl qaz kəmərləri üstündə güləşməyə başladılar, sonra isə nağıllara keçdilər".

Sovetlərin ən məşhur multiplikasiya filmlərindən birinin nağıl qəhrəmanı Kolobok - əslində acgöz heyvanların əlindən qaçıb yaxa qurtaran balaca bir kökə olsa da, Rusiya və Ukrayna bu kökənin harada bişirildiyi barədə mübahisə edirlər.

Mübahisə ondan başlanıb ki, Rusiyada çap olunmuş Milli Nağıllar Xəritəsində Kolobokun vətəni kimi Ulyanovsk göstərilib.

Mübahisə isə ondan başlanıb ki, Rusiyada çap olunmuş Milli Nağıllar Xəritəsində Kolobokun vətəni kimi Ulyanovsk göstərilib.

Mübahisə mövzusu olan ikinci məşhur personaj Çil-Çil Toyuqdir - rusca desək, "Kuroçka Ryaba". Bəli, bəli həmin toyuq ki, qızıl yumurtalar yumurtlayırdı.

İndi Moskva və Kiyev onun özünün harada yumurtadan çıxdığı barədə mübahisə edirlər.

Daha ciddi personajlar da mübahisə mövzusudur. Rusların nağıl xəritəsində məşhur bahadır İlya Murometsin vətəni kimi Vladimir vilayətindəki Murom şəhəri göstərilib.

Knyaz İlyanı Kiyevin müdafiəsinə çağıranda, o Kiyevə beş saata yalnız Çerniqov vilayətindən çata bilərdi

Ukrayna nağıl araşdırmaçısı Konstantin Oleynik isə bununla razılaşmır və bildirir ki, "100-150 il əvvəl Çerniqovdan şimalda hələ buğda bitmirdi, yalnız qarabaşaq bitirdi, ona görə də Muromets yalnız əkinçi xalqın qəhrəmanı ola bilərdi" və bu xalq da əlbəttə, Ukraynanılardır.

Lakin Oleynik təkcə bununla kifayətlənmir. O yazır: "İlya Murometsə gəlincə, ukraynalılar onun əsil vətəni kimi balaca Murovsk şəhərini tanıyırlar. Bu faktlarlar da isbat olunur: "Knyaz İlyanı Kiyevin müdafiəsinə çağıranda, o Kiyevə beş saata yalnız Çerniqov vilayətindən çata bilərdi".

Əgər nəzərə alsaq ki, keçmiş SSRİ-nin tarix kitablarında Ukraynanın özü - Kiyev Rusiyası adlanırdı, başa düşərik ki, bu xəmir Koloboka lazım olandan daha çox su aparacaq.

Milli.Az
Azernews Newspaper

XƏBƏR LENTİ

Copyright © 2026 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.