Dünya

Dəhşətli kadrlar: Səudiyyə Ərəbistanından edam görüntüləri - FOTO +21

21 Mart 2016 14:09

37 Şərh Baxış: 6 826

Yolun kənarlarında saxlanmış iki qaldırıcı kranın qüllələri arasında boru varv ə həmin borudan 5 cəsəd asılıb. Onlar asılmazdan əvvəl başları bədənlərindən ayrılmış 5 cinayətkardır.
Milli.Az İTV-yə istinadən bildirir ki, quldurluq, qarət və zorakılıqda suçlanmış bu şəxslərin başları vurulandan sonra onların cəsədləri qaldırıcı kranlar vasitəsilə asılmışdı.
Edam edilənlər bir bandanın üzvləri idi. Dünyanın ən qapalı ölkələrindən biri, ən mühafizəkar hakimiyyətlərdən biri tərəfindən idarə olunan Səudiyyə Ərəbistanındakı edamlarla bağlı Britaniyanın İTV telekanalı "Saudi Arabia Uncovered" adlı sənədli film hazırlayıb.
Digər kadrlarda isə yol kənarında yerə yıxılmış çadralı qadın var. Qadının yanında dörd polis zabiti durublar. Bu qadın ögey qızının qətlində suçlanır və o da edam ediləcək.
Qadın "Mən öldürməmişəm! Mən etməmişəm! Günahsızam!" qışqırır. Amma polis zabitlərindən biri əlindəki qılıncığ qaldırır və bir zərbə ilə qadının başını bədənindən ayırır.
Səudiyyə Ərəbistanının paytaxtı Ər-Riyadda "Çop Çop" adlandırılan meydan var. Ölkədəki edamların əksəriyyəti bu meydanda gerçəkləşdirilir.
Meydanda bu günlərdə bir qadın şallaqlanıb.
Digər kadrlar: supermarketdə bir qadın alış-veriş edir. Bu zaman onun yanından ötən kişi qadını itələyib yıxır və sanki heç nə olmamış kimi yoluna davam edir.
Film 6 ay ərzində Səudiyyə Ərəbistanında aparılmış gizli çəkilişlərə əsaslanır.
Milli.Az