Rusiya

Rusiyada VPN tətbiqlərinin yüklənməsi 14 dəfə artıb

28 Aprel 2026 10:36

Baxış: 1 058

VTB-də minimal faiz dərəcəsi ilə nağd kredit 9.9%-dən

#WHATSAPP

Rusiyada VPN tətbiqlərinin Google Play üzərindən yüklənməsi mart ayında ötən ilin eyni dövrü ilə müqayisədə 14 dəfə artaraq 9,2 milyon olub.

Milli.Az xəbər verir ki, bu barədə "Kommersant" nəşri Digital Budget şirkətinin Similarweb statistikasına əsaslanan araşdırmasına istinadən məlumat yayıb.

Bildirilib ki, ötən ilin mart ayından bu ilin mart ayınadək ümumilikdə 35,7 milyon yükləmə qeydə alınıb. Ən yüksək göstərici isə ilin ilk rübündə olub və bu dövrdə 21,27 milyon yükləmə baş verib.

Məlumata görə, mart ayında ən çox yüklənən ilk 5 VPN servisindən 3-nün hər biri üzrə göstərici 2,5 milyon və daha çox olub. Sensor Tower məlumatına əsasən, ötən ilin sonuna Rusiyada ən populyar 5 VPN tətbiqinin aktiv istifadəçi bazası 7,3 milyon nəfərə çatıb.

Qeyd edək ki, Apple Censorship məlumatına görə, aprel ayının sonuna Rusiya App Store platformasında 116-dan çox VPN tətbiqi əlçatan deyil. Martın sonunda isə Apple Store Roskomnadzorun tələbi ilə 20-dən çox VPN xidmətini silib.

Ayxan
Milli.Az