Dünya

Bomba tələbənin əlində partladı

30 Dekabr 2015 07:54
0 Şərh     Baxış: 994

Türkiyənin Malatya şəhərindəki "İnönü" universitetində tələbələr arasında kütləvi dava baş verib.
Milli.Az anspress-ə istinadən bildirir ki, ali məktəbin həyətində baş vermiş hadisə zamanı 2 tələbə qrupu ideoloji səbəbdən bir-birləri ilə dalaşıblar.

Hadisə yerinə cəlb olunan polis davanı dayandıraraq tələbələri hadisə yerindən uzaqlaşdırsa da, qruplardan biri geri qayıdaraq polisləri daşa basmağa başlayıb. Hadisənin böyüməsi ilə universitetə daha çox polis cəlb olunub.

Tələbələrdən birinin polisə atmağa çalışdığı kustar üsula hazırlanmış bomba isə onun əlində partlayıb. Partlayış nəticəsində tələbənin 3 barmağı yerindən qopub və o dərhal təcili yardımla xəstəxanaya çatdırılıb. Polis tələbənin qopan barmaqlarını hadisə yerindən aşkarlayaraq xəstəxanaya təhvil verib.

Hadisə zamanı 6 nəfər xəsarət alıb, 65 nəfər isə polis tərəfindən saxlanaraq bölməyə aparılıblar. Faktla bağlı araşdırmalar davam edir.
Milli.Az

Şərh yaz:

0 Şərh:

XƏBƏR LENTİ

Copyright © 2019 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.