Dünya

Gümrüdə rus əsgər yeni qalmaqal yaratdı

27 Dekabr 2015 16:08
3 Şərh     Baxış: 3 274
VTB-də minimal faiz dərəcəsi ilə nağd kredit 9.9%-dən
#ERMƏNİSTAN

Ermənistan ərazisindəki Rusiyaya aid hərbi hissənin adı növbəti dəfə qalmaqalda hallanıb.

ANS-in məlumatına görə, Gümrü şəhərində yerləşən, Rusiyaya məxsus 102 saylı hərbi hissənin əsgəri erməni kəndlisinin inəyini oğurlayıb.
 
Bildirilir ki, Dmitri Korşunov axşam saatlarında Usubyanova məxsus pəyəyə pəncərədən girib inəyi oğurlayıb. İnəyin dəyəri 90 000 drama bərabərdir.
 
26 yaşlı hərbçiyə törətdiyi əmələ görə Cinayət Məcəlləsinin 177-ci maddəsi ilə məhkəmə işi açılıb. İlkin tədbir olaraq hərbçinin hərbi hissəni tərk etməsinə qadağa qoyulub.
 
Bu, Rusiyaya aid 102 saylı hərbi bazanın adının hallandığı ilk hadisə deyil. Daha əvvəl Gümrü şəhərində yerləşən Rusiyaya məxsus 102-ci hərbi bazanın qulluqçusu Valeri Permyakov bir erməni ailəsinin 7 üzvünü qətlə yetirib.
 
Cinayət zamanı Permyakov Avetisyan ailəsinin 6 üzvünü güllələyib, 6 aylıq körpəni isə süngü ilə vurub. Yeddi gün boyunca həkimlər altı aylıq körpənin həyatı üçün mübarizə apararaq onun üzərində iki əməliyyat keçirsələr də, daha sonra o vəfat edib.
 
Qətlin törədilməsində Rusiya hərbi qulluqçusu Valeri Permyakov ittiham edilir. Yanvarın 14-də ona Ermənistanın və Rusiyanın Cinayət Məcəllələrinin müxtəlif maddələri üzrə ittiham irəli sürülüb.
 
Permyakovun erməni ailəsini öldürdükdən sonra Ermənistanın bir sıra şəhər və rayonlarında etiraz aksiyaları keçirildi. Etirazların ən güclüsü isə 102-ci hərbi bazanın yerləşdiyi Gümrü şəhərində baş verdi. Nümayişçilər hətta Rusiya hərbi bazasının ölkədən çıxarılmasını da tələb edirdilər.

Milli.Az

Milli.Az - Xəbər Portalı
Azernews Newspaper

DİGƏR XƏBƏRLƏR

XƏBƏR LENTİ

Copyright © 2026 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.