Dünya

Kuba ABŞ-a səfir yollayır

13 May 2015 09:29
0 Şərh     Baxış: 1 562
VTB-də minimal faiz dərəcəsi ilə nağd kredit 9.9%-dən
#DÜNYADA #AMERİKA #CUBA

"Bunun üçün embarqo ləğv olunmalı, Quantanamo geri qaytarılmalıdır"

Kubanın prezidenti Raul Kastro mayın 29-dan sonra ABŞ səfir təyin edə biləcəklərini deyib.

Anspress-in məlumatına görə, ölkəsində rəsmi səfərdə olan Fransa prezidenti Fransua Ollandı yola salan Kastro jurnalistlərə açıqlamasında bu barədə danışıb. Ölkə başçısı qarşılıqlı səfir təyinatından sonra iki ölkə arasında diplomatik münasibətlərin yaranacağını deyib. Münasibətlərin normallaşmasının ayrı bir mövzu olduğunu deyən Kastro şərtini də açıqlayıb.

"Bütün bunların ola bilməsi üçün embarqo ləğv olunmalı, Quantanamo bazası da geri qaytarılmalıdır".

Avropa Birliyi ilə Kuba münasibətlərindən də danışan Kastro tərəflər arasında keçiriləcək dialoqla bağlı iyunda Brüsseldə iclas keçiriləcəyini bildirdi. Bu mövzuyla əlaqədar AB ölkələri arasında fikir ayrılığı olduğunu deyən Kastro bu vəziyyətin düzələcəyinə ümid etdiyini bildirib.

Ağ Ev aprelin 14-də açıqlama verərək ABŞ prezidenti Barak Obamanın, Kubanın terrora dəstək verən ölkələr siyahısından çıxarılması barədə hesabatı Konqresə göndərdiyini bildirib. Bu qərarın qüvvəyə minməsi üçün isə 45 gün vaxt keçməlidir.

Milli.Az
Milli.Az - Xəbər Portalı
Azernews Newspaper

DİGƏR XƏBƏRLƏR

XƏBƏR LENTİ

Copyright © 2026 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.