Dünya

Moldova da Saakaşviliyə dəvət yolladı

7 May 2015 23:11
0 Şərh     Baxış: 2 128
VTB-də minimal faiz dərəcəsi ilə nağd kredit 9.9%-dən
#DÜNYADA #MOLDOVA, REPUBLİC OF

Gürcüstanın keçmiş prezidenti Mixail Saakaşvili Moldovaya dəvət edilib.

Milli.Az anspress-ə istinadən bildirir ki, bu dəfə o, korrupsiya ilə mübarizə sahəsində ekspert kimi dəvət edilib.

Moldovanın baş naziri Kirill Qaburiçin sözlərinə görə, bu məsələ keçən çərşənbə günü Ukrayna prezidenti Pyotr Poroşenko ilə müzakirə edilib. Müzakirədə Poroşenkonun məsləhətçisi olan Mixail Saakaşvili də olub.

"Saakaşvili və onun komandasının islahatlar sahəsində yaxşı təcrübəsi var. Tezliklə onlar Kişinyova gələcəklər. Onlar Moldova hakimiyyətinə korrupsiya ilə mübarizə məsələlərində ekspert kimi kömək edəcəklər. Hakimiyyətin rüşvətxorluğu aradan qaldırmaq üçün bütün cəhdlərinə baxmayaraq, indiyədək bu sahədə təsirli addımlar atılmayıb", - deyə Qaburiç bildirib. O həmçinin qeyd edib ki, korrupsiya Modlovada bütün sahələrə nüfuz edib.

Xatırladaq ki, həm Mixail Saakaşvili, həm də Kirill Qaburiçə qarşı öz vətənlərində cinayət işi açılıb. Saakaşvili Gürcüstanda axtarışa verilib. Keçmiş prezident vəzifə səlahiyyətlərini aşmaqda və digər cinayətlərdə ittiham edilir. Bir müddət "Azercell" şirkətinin baş direktoru olan Kirill Qaburiç isə təhsil haqqında sənədləri saxtalaşdırmaqda ittiham edilir.
 

Milli.Az

Milli.Az - Xəbər Portalı
Azernews Newspaper

DİGƏR XƏBƏRLƏR

XƏBƏR LENTİ

Copyright © 2026 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.