Dünya

"Germanwings" təyyarəsində bomba həyəcanı

13 Aprel 2015 10:25
0 Şərh     Baxış: 1 944
VTB-də minimal faiz dərəcəsi ilə nağd kredit 9.9%-dən
#DÜNYADA #HADİSƏ #TƏYYARƏ #TERRORİZM #EUROWİNGS LUFTVERKEHRS AG #GERMANWİNGS GMBH

Bomba olması barədə xəbərdarlıq təyyarənin yenidən hava limanına qayıtmasına səbəb olub

Uğursuzluqlar "Germanwings" aviaşirkətinin yaxasından əl çəkmir. Almaniyanın "Germanwings" aviaşirkətinə aid Köln - Milan reysi ilə hərəkət edən təyyarədə bomba həyəcanı yaşanıb.

Anspress-in məlumatına görə, havaya qalxdıqdan bir müddət sonra bomba olması barədə xəbərdarlıq təyyarənin yenidən hava limanına qayıtmasına səbəb olub.

Bildirilir ki, təyyarədə olan 126 sərnişin təxliyyə olunub və onların yola davam etməsi üçün başqa bir təyyarə hazırlanır.

Bomba xəbərdarlığı olunan "Airbus A320" təyarəsində isə axtarışlar davam edir.

Bundan əvvəl "Germanwings" aviaşirkətinə aid Köln - Venesiya reysi ilə hərəkət edən təyyarə yağ təzyiqinin azalması səbəbindən meydana gələn nasazlığa görə aprelin 6-da Stuttqart hava limanına məcburi eniş etmişdi.

Martın 24-də isə yenə bu şirkətə aid Barselona - Düsseldof reysi ilə uçan "Airbus A320" təyyarəsi Fransanın cənubunda qəzaya uğramış, 6 heyət üzvü və 144 sərnişin dünyasını dəyişmişdi. Qəzanın köməkçi pilot tərəfindən qəsdən törədildiyi bildirilmişdi.

Milli.Az
Milli.Az - Xəbər Portalı
Azernews Newspaper

DİGƏR XƏBƏRLƏR

XƏBƏR LENTİ

Copyright © 2026 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.