Dünya

Barak Obama və Raul Kastrodan gözlənilməz addım

11 Aprel 2015 13:54
0 Şərh     Baxış: 1 615
VTB-də minimal faiz dərəcəsi ilə nağd kredit 10.49%-dən
#DÜNYADA #CUBA
Panamada keçirilən Amerika sammitində ABŞ prezidenti Barak Obama və Kuba lideri Raul Kastro bir-birinə əl uzadaraq salamlaşıblar və qısa söhbət ediblər.

APA-nın "Reuters"ə istinadən verdiyi xəbərə görə, ABŞ administrasiyasındakı məmurlardan biri qeyri-formal təmas zamanı hər hansı mövzuda müzakirə aparılmadığını deyib. Hər iki liderin bu gün görüşərək diplomatik münasibətlərin tam bərpasını, qarşılıqlı səfərlərin başlamasını və ticarət əlaqələrinin stimullaşdırılması məsələlərini müzakirə edəcəkləri gözlənilir.

Qeyd edək ki, aprelin 8-də B.Obama ilə R.Kastro arasında telefon danışığı olub. Tərəflər diplomatik əlaqələrin bərpasını və səfirliklərin açılmasını müzakirə ediblər. Aprelin 9-da isə ABŞ dövlət katibi Con Kerri Panamada Kubanın xarici işlər naziri Bruno Rodrigeslə görüşüb. Sonuncu dəfə bu səviyyədə görüş 1958-ci ildə ABŞ dövlət katibi Con Foster Dalles və Kuba xarici işlər naziri Qonsalo Quel-i-Morales arasında olub.

Milli.Az
Milli.Az - Xəbər Portalı
Azernews Newspaper

DİGƏR XƏBƏRLƏR

XƏBƏR LENTİ

Copyright © 2026 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.